2024 წლის აბიტურიენტის ცნობარში ცვლილებები შევიდა

2024 წლის აბიტურიენტის ცნობარში 22 ივლისს ცვლილებები შევიდა. კერძოდ, როგორც EDU.ARIS.GE-მ დღეს, 23 ივლისს გაარკვია, ცნობარში ზოგიერთი საგანმანათლებლო პროგრამის აკრედიტაციის სტატუსთან დაკავშირებით განახლებული ინფორმაცია ჩაემატა. როგორც ცნობილია, ელექტრონული კრებული „ცნობარი აბიტურიენტებისათვის“ ზამთრის პერიოდში მზადდება და საგანმანათლებლო პროგრამების სტატუსის ცვლილების შემდეგ, დოკუმენტში ახალი ინფორმაციები ემატება.

სხვადასხვა უნივერსიტეტების ზოგიერთი საგანმანათლებლო პროგრამა აკრედიტებული ხდება, ზოგიერთი კი უარს იღებს აკრედიტაციაზე და შესაბამისად, ის აბიტურიენტმა არ უნდა აირჩიოს.

იხილეთ ინფორმაცია საგანმანათლებლო პროგრამების სტატუსთან დაკავშირებით ამ ეტაპისათვის განხორციელებული ცვლილებების შესახებ განახლებულ დოკუმენტში:

აბიტურიენტის ცნობარი 2024

აბიტურიენტებს საბოლოოდ კორექტირებული ცნობარის გაცნობა აგვისტოს დასაწყისში შეეძლებათ.

გამოსაცდელებს სარეგისტრაციო განაცხადში საგანმანათლებლო პროგრამების შეცვლის, დამატებისა და წაშლის საშუალება აპელაციების შედეგების გამოქვეყნებიდან მომდევნო დღის ჩათვლით ექნებათ. კონკრეტული თარიღი კი შეფასებისა და გამოცდების ეროვნული ცენტრის ვებგვერდზე აგვისტოს თვეში გამოქვეყნდება.

ასევე იხილეთ:

იპოვე შენი თავი EDU.ARIS.GE-ს TikTok-ზე 😘

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე

განახლებადი ინფორმაცია გამოცდების შესახებ