ანტიტერორისტული სპეცოპერაციის გამო 97–ე საჯარო სკოლაში სასწავლო პროცესი შეწყდა
თბილისში, ბერი გაბრიელ სალოსის გამზირზე მდებარე 97-ე საჯარო სკოლაში სასწავლო პროცესი შეჩერებულია.
როგორც ცნობილია, უკვე 15 საათზე მეტია, რაც სკოლის მიმდებარე ტერიტორიაზე საქართველოს უსაფრთხოების სამსახურის ანტიტერორისტული დეპარტამენტის ჩართულობით ანტიტერორისტული სპეცოპერაცია მიმდინარეობს. საუბარია სავარაუდოდ ორი პირის აყვანაზე.
როგორც EDU.ARIS.GE-ს განათლების სამინისტროში განუმარტეს, სასწავლო პროცესი 97–ე საჯარო სკოლაში დროებით შეწყვეტილია და გაცდენილი საათების ანაზღაურება მოსწავლეებს შაბათი დღის ხარჯზე მოუწევთ.
“მშობლები და მოსწავლეები სკოლის ადმინისტრაციის მიერ არიან გაფრთხილებულები. დღეს სკოლაში სასწავლო პროცესი არ გაიმართება. დღეს გაცდენილ საათებს კი მოსწავლეები შაბათ დღეს აანაზღაურებენ”, – განგვიმარტეს სამინისტროში.
- როგორ უნდა იმუშაოს აბიტურიენტმა პასუხების ფურცელზე – NAEC-ის რჩევები უცხოური ენის გამოცდისთვის by რჩევები
- დაიწყება თუ არა სკოლაში ქართული ენის ცალკე საგნად სწავლება? – რა პასუხი აქვს განათლების მინისტრს by ARIS.GE-განათლება
- „ძალიან დაგეხმარებათ პროგრამის მიზნებისა და შინაარსის გაცნობა“ – როგორ შევარჩიოთ სასწავლო პროგრამები სწორად by რჩევები