აწსუ-ში “ექვთიმე თაყაიშვილის სახელობის სტუდენტთა საისტორიო საზოგადოების” კონფერენცია ჩატარდა

აკაკი წერეთლის სახელმწიფო უნივერსიტეტში, ,,ექვთიმე თაყაიშვილის სახელობის სტუდენტთა საისტორიო საზოგადოების” ორგანიზებით, პირველი კონფერენცია ჩატარდა.

სტუდენტთა კონფერენცია ქართველ ისტორიკოსს, არქეოლოგს და საზოგადო მოღვაწეს, საქართველოს მეცნიერებათა აკადემიის აკადემიკოსს, პროფესორს, თბილისის სახელმწიფო უნივერსიტეტის ერთ-ერთ დამფუძნებელს, საქართველოს დამფუძნებელი კრების წევრს, მართლმადიდებელი ეკლესიის მიერ წმინდანად შერაცხულ ექვთიმე თაყაიშვილს მიეძღვნა.

კონფერენციას უნივერსიტეტის რექტორი შალვა კირთაძე, რექტორის მოადგილე ეკატერინე გაჩეჩილაძე, ჰუმანიტარულ მეცნიერებათა ფაკულტეტის დეკანი ლუკა დვალიშვილი, პროფესორი სულხან კუპრაშვილი, საქართველოს ეროვნული არქივის, ქუთაისის ცენტრალური სახელმწიფო არქივის დირექტორი მერაბ კეზევაძე, უნივერსიტეტის პროფესორ-მასწავლებლები და სტუდენტები დაესწრნენ.

,,ექვთიმე თაყაიშვილის სახელობის სტუდენტთა საისტორიო საზოგადოება” აკაკი წერეთლის სახელმწიფო უნივერსიტეტის სტუდენტებმა სექტემბერში ჩამოაყალიბეს. მათი მიზანია ეროვნული იდეის გავრცელებისა და მომავალი თაობებისათვის უძველესი ტრადიციების გადაცემა, წინაპართა კვალის მომავლისთვის შეხსენება.

უნივერსიტეტის სხვა ამბები