აწსუ–ში გერმანულ გაცვლით პროგრამა DAAD-ში მონაწილეობის მისაღებად რეგისტრაცია იწყება
აკაკი წერეთლის სახელმწიფო უნივერსიტეტში გერმანიაში აკადემიური გაცვლითი პროგრამის “DAAD”- ის პრეზენტაცია გაიმართა.
სტუდენტებს და სასწავლებლის აკდემიურ პერსონალს გაცვლითი პროგრამების შესახებ DAAD- ის თბილისის ორგანიზაციის ხელმძღვანელი, გერჰარ ოილი ესაუბრა.
„გაცვლითი პროგრამა მოიცავს ენის შემსწავლელ ერთთვიან კურსს ბაკალვარებისა და მაგისტრებისთვის ინგლისურ და გერმანულენოვან პროგრამებს სპეციალობის კუთხით ენის გაძლიერებისთვის. ასევე, არის სტუდენტების ჯგუფებისა და დოქტორანტებისთვის 3-4 თვიანი გაცვლითი პროგრამა გერმანულ უნივერსიტეტებში. შესაბამისი მოთხოვნების დაკმაყოფილების შემდეგ, მათ მიეცემათ სტიპენდიები, რომლითაც შეძლებენ ცხოვრებას, სწავლას და გადასახადების გადახდასაც“, – აცხადებს გერმანული გაცვლითი პროგრამის DAAD- ის თბილისის ორგანიზაციის ხელმძვანელი, გერჰარდ ოილი.
შეხვედრაზე იმყოფებოდა 4 სტუდენტი, რომლებმაც გასულ წელს გაცვლითი პროგრამით გერმანიის სხვადასხვა უნივერსიტეტებში მიიღეს ცოდნა.
საერთაშორისო ურთიერთობების სტუდენტის, ნათია კეთილაძის თქმით, მან 3 კვირიანი კურსი დიუსელდორფში სპეციალობის კუთხით გაიარა.
„საინტერსო იყო ის, რომ რასაც გვასწავლიდნენ ამის რეალიზება ხდებოდა პრაქტიკაშიც, რამაც დიდი გამოცდილება შემძინა“, – ამბობს წერეთლის უნივერსიტეტის საერთაშორისო ურთიერთობების სტუდენტი,.
გერმანული აკადემიური გაცვლითი პროგრამა “DAAD”- ის წერეთლის უნივერსიტეტში რამდენიმე წელია ხორციელდება.
“DAAD”- ის ახალ პროგრამებში მონაწილების მისაღებად მსურველებმა რეგისტრაცია ვებგვერდზე www.ic.daad.de tbilisi უნდა გაიარონ. მათ განაცხადების წარდგენა მიმდინარე წლის 1 დეკემბრამდე შეუძლიათ.
აკაკი წერეთლის სახელმწიფო უნივერსიტეტი
მოამზადა დეა მანაგაძემ – ქუთაისი
- აწსუ-ის პროფესორი რუსუდან საღინაძე ქართული ენის დაცვა-განვითარებაში შეტანილი წვლილისთვის დაჯილდოვდა by აკაკი წერეთლის სახელმწიფო უნივერსიტეტი
- აწსუ-სა და საბერძნეთის, პატრას უნივერსიტეტს შორის მემორანდუმი გაფორმდა by აკაკი წერეთლის სახელმწიფო უნივერსიტეტი
- აწსუ-ის „საშემსრულებლო ხელოვნების“ საბაკალავრო პროგრამაზე მიღება გამოცხადდა by აკაკი წერეთლის სახელმწიფო უნივერსიტეტი