ბათუმის მეორე საჯარო სკოლა დროებით იხურება

ბათუმის მეორე საჯარო სკოლა დროებით იხურება და როგორც EDU.ARIS.GE-ს ჟურნალისტი ბათუმიდან გვატყობინებს, ორშაბათიდან სასწავლო პროცესი დისტანციურ რეჟიმში გაგრძელდება.

კორონავირუსი სკოლის კიდევ 9 მოსწავლეს დაუდასტურდა.

აქამდე, მეორე საჯარო სკოლის 3 სხვადასხვა კლასი, კორონავირუსის დაფიქსირების გამო, ონლაინ სწავლაზე იყო გადასული, ამჯერად კი, საგანმანათლებლო დაწესებულებას დროებითი დახურვის რეკომენდაცია მიეცა და სკოლის შენობაში სასწავლო პროცესს 26 აპრილამდე ვერ განაახლებს.

აჭარაში სულ 5 საჯარო და კერძო სკოლაა დისტანციურ სწავლებაზე. ასევე, სხვადასხვა სკოლის 12-ზე მეტი კლასი სწავლას დისტანციურ რეჟიმში გადის.

ბათუმის დედათა და ბავშვთა ცენტრალურ ჰოსპიტალში სულ 33 არასრულწლოვანია მოთავსებული, მათ შორის უმეტესობა სასკოლოს ასაკის ბავშვია.