GE

CIU ეკონომიკური თანამშრომლობისა და განვითარების ორგანიზაციის ფინანსური განათლების საერთაშორისო ქსელის აფილირებული წევრი გახდა

კავკასიის საერთაშორისო უნივერსიტეტი ეკონომიკური თანამშრომლობისა და განვითარების ორგანიზაციის (OECD) ფინანსური განათლების საერთაშორისო ქსელის (INFE) აფილირებული წევრი გახდა. აღნიშნული გადაწყვეტილება OECD/INFE-ის მრჩეველთა საბჭომ მიიღო. აფილირებული წევრობა უნივერსიტეტის ბიზნესის ფაკულტეტს საშუალებას აძლევს ავტომატურად ჩაერთოს OECD-ის მიერ ფინანსური განათლების მიმართულებით მოწყობილ გლობალურ აქტივობებსა და ღონისძიებებში.

უნივერსიტეტი სისტემატიურად და პრიორიტეტულად მიიღებს მონაწილეობას OECD-ის მიერ წარმოდგენილი ფინანსური განათლების დოკუმენტის შემუშავებასა და განხილვაში . CIU ბიზნესის ფაკულტეტი საჭიროების შემთხვევაში ჩაერთვება OECD ფინანსური განათლების საერთაშორისო ქსელის ტექნიკური კომიტეტის შეხვედრებში, ასევე ჩაერთვება OECD/INFE-ის სამუშაო ჯგუფების აქტივობებში (ad hoc basis).

CIU ბიზნესის ფაკულტეტი აფილირებული წევრობის ფარგლებში განსახორციელებელ საქმიანობას უკვე მიმდინარე პერიოდიდან დაიწყებს.

კავკასიის საერთაშორისო უნივერსიტეტის სხვა ამბები

დასვით კითხვა და მიიღეთ პასუხი - ედუს საცნობარო სამსახური
კავკასიის საერთაშორისო უნივერსიტეტი