CIU გიწვევთ საერთაშორისო სამეცნიერო კონფერენციაში მონაწილეობის მისაღებად

კავკასიის საერთაშორისო უნივერსიტეტი (CIU) გიწვევთ საერთაშორისო სამეცნიერო კონფერენციაში „სიმსივნური ახალწარმონაქმნებისა და სხვა არაინფექციური დაავადებების სინერგიული კომბინირებული მკურნალობის უახლესი ტენდენციები. ბიო და ნანოტექნოლოგიები მედიცინასა და ფარმაციაში“ მონაწილეობის მისაღებად.

კავკასიის საერთაშორისო უნივერსიტეტის, ასევე საქართველოს, ევროპისა და აზიის უნივერსიტეტების ძირითადი და მოწვეული აკადემიური პერსონალის, მკვლევრების, დოქტორანტურის და მაგისტრატურის სტუდენტების საყურადღებოდ!

07.12.2022-08.12.2022, თბილისი, საქართველო.

მნიშვნელოვანი თარიღები:

• 17.11.2022 – კონფერენციაზე დარეგისტრირებისა და თესიზების გამოგზავნის ბოლო ვადა;
• 23.11.2022 – აპლიკანტები მიიღებენ შეტყობინებას კონფერენციაში მონაწილეობისა და თეზისების გამოქვეყნების შესახებ;
• 07.12.2022 – კონფერენციის გახსნა.

საერთაშორისო კონფერენციაში მონაწილეობისთვის დარეგისტრირდით მითითებულ ბმულზე.

საგანგებო ველებში მითითებული მოთხოვნების გათვალისწინება სავალდებულოა, სხვა შემთხვევაში, სისტემა მონაცემებს არ დააფიქსირებს.

კონფერენციის სამეცნიერო პანელები:

07.12.2022 (კონფერენციის პირველი დღე)

პანელი: სიმსივნური წარმონაქმნების სინერგიული კომბინირებული მკურნალობის უახლესი ტენდენციები.

08.12.2022 (კონფერენციის მეორე დღე)

პანელი: ბიო და ნანოტექნოლოგიები მედიცინასა და ფარმაციაში

სექციები:

• ჰადრონული თერაპიის საქართველოში დანერგვისა და განვითარების პერსპექტივები და პროტონული თერაპიის ახალი მიმართულებები;
• ნანოკომპოზიტების სინთეზი და კვლევა სიმსივნური ახალწარმონაქმნებისა და სხვა დაავადებების სამკურნალო პრეპარატებში მათი სინერგიული გამოყენების მიზნით.

კონფერენციის სამუშაო ენები:

ქართული
ინგლისური

აუცილებელი მოთხოვნები:

კონფერენციაში დამოუკიდებელი მონაწილეობა შეუძლიათ კავკასიის საერთაშორისო უნივერსიტეტის ძირითად და მოწვეულ აკადემიურ პერსონალს (პროფესორი, ასოცირებული პროფესორი, ასისტენტ-პროფესორი) და მკვლევრებს, დოქტორანტურისა და მაგისტრატურის სტუდენტებს, ასევე, საქართველოს, ევროპისა და აზიის უნივერსიტეტების პროფესორებს, მკვლევრებს, დოქტორანტურისა და მაგისტრატურის სტუდენტებს. ავტორთა კოლექტივის წევრი შეიძლება იყოს ბაკალავრიატის სტუდენტი.

კონფერენციაში მონაწილეობაზე დასტური ელექტრონულ ფოსტაზე გაეგზავნება განმცხადებელს.

დასაშვებია ერთი აპლიკანტის მიერ ერთზე მეტი ნაშრომის წარმოდგენა.

თეზისები შესრულებული და წარმოდგენილი უნდა იყოს შემდეგი მოთხოვნების დაცვით:

თეზისის ტექსტში სიმბოლოების რაოდენობა უნდა იყოს არანაკლებ 700 და არაუმეტეს 1000 სიმბოლოსი;

ინფორმაცია მონაწილეთათვის:

კონფერენციის საგამომცემლო კომიტეტში წარმოდგენილი ყველა მიღებული ნაშრომის თეზისი გამოქვეყნდება ქართულ და ინგლისურ ენებზე კონფერენციის პროგრამასთან ერთად.

საპროგრამო და საგამომცემლო კომიტეტების მიერ შერჩეული ნაშრომების სრული ტექსტები, ავტორებთან შეთანხმებით, განსახილველად და გამოსაქვეყნებლად გადაეცემა Scopus, PubMed/Medline, INSPEC, Scimago, Google Scholar მონაცეთა ბაზებში ინდექსირებულ ჟურნალებს.

კონფერენციის საორგანიზაციო კომიტეტის მიერ მოწვეულ ძირითად მომხსენებლებს (Keynote speakers) ნაშრომის პრეზენტაციისთვის მიეცემა არაუმეტეს 30 წუთისა.

ყველა სხვა მონაწილეს ნაშრომის პრეზენტაციისთვის მიეცემა არაუმეტეს 20 წუთისა.

დისკუსიისათვის გამოყოფილია 10 წუთი.

კონფერენციაში მონაწილეობა უფასოა.

დამატებითი კითხვების შემთხვევაში მოგვწერეთ: bionanotech@ciu.edu.ge

კონფერენციის შესახებ დეტალური ინფორმაცია იხილეთ თანდართულ დოკუმენტში – Conferenceinfo.

უნივერსიტეტის სხვა ამბები