გამოქვეყნდა ეროვნული სასწავლო ოლიმპიადის მესამე ტურის პირველადი შედეგები, აპელაციის ინსტრუქცია, ქულები და სწორი პასუხები

დღეს, 21 მარტს, შეფასებისა და გამოცდების ეროვნულმა ცენტრმა 2024-2025 სასწავლო წლის ეროვნული სასწავლო ოლიმპიადის მესამე ტურის პირველადი შედეგები და მისი გასაჩივრების ვადები გამოაქვეყნა.

დასკვნითი ტურის პირველადი შედეგების ნახვა შესაძლებელია ვებგვერდზე: online.naec.ge

შედეგისა და ნაშრომის ასლის სანახავად ოლიმპიადაში მონაწილე მოსწავლემ სპეციალურ ველში უნდა შეიყვანოს პირადი, თერთმეტნიშნა ნომერი. საკუთარი მოსწავლეების შედეგების ნახვის შესაძლებლობა ასევე აქვს სკოლის ადმინისტრაციას ცხრანიშნა და ოთხნიშნა კოდების გამოყენებით.

NAEC-ი განმარტავს, რომ 2024-2025 სასწავლო წლის ეროვნული სასწავლო ოლიმპიადის მესამე ტურის გამარჯვებულია ის მონაწილე, რომელმაც დააგროვა შესაბამისი საგნის ტესტის მაქსიმალური ქულის არანაკლებ 60%-სა და მოხვდა შესაბამისი კლასისა და საგნის რეიტინგული სიის პირველ ათ მონაწილეს შორის.

მაქსიმალური ქულები საგნების მიხედვით

იმ შემთხვევაში, თუ მონაწილე არ ეთანხმება შეფასებას, საპრეტენზიო განაცხადები მიიღება 24 მარტის 10:00 საათიდან 25 მარტის 18:00 საათამდე.

ოლიმპიადის მონაწილემ განაცხადი უნდა წარმოადგინოს შეფასებისა და გამოცდების ეროვნულ ცენტრში (მისამართი: თბილისი, ე. მინდელის ქუჩა N9), ხოლო რეგიონებში – საგანმანათლებლო რესურსცენტრებში.

საპრეტენზიო განაცხადის ფორმა

საპრეტენზიო კომისიის გადაწყვეტილების შესაბამისად, ოლიმპიადის მონაწილის ნაშრომს შეიძლება მოემატოს ქულა, დააკლდეს ან დარჩეს უცვლელი.

შეგახსენებთ, რომ მესამე ტურში გამარჯვებული მოსწავლეები გამოვლინდებიან საპრეტენზიო განაცხადების განხილვის შედეგების გათვალისწინებით.

მესამე ტურის ტესტები და სწორი პასუხები