ერთ-ერთ საგამოცდო ცენტრში დამკვირვებლის მოხსნის თაობაზე NAEC განმარტებას აკეთებს, თუმცა რაოდენობას არ ასახელებს
![](https://edu.aris.ge/news/wp-content/uploads/2022/08/naec-edu.aris_.gec_-458x257.jpg)
2023 წლის ზაფხულის გამოცდების მიმდინარეობისას, საქართველოს რეგიონებში გახსნილი 24 საგამოცდო ცენტრიდან ერთ-ერთში დამკვირვებლის საგამოცდო პროცესიდან მოხსნის ფაქტი დაფიქსირდა.
EDU.ARIS.GE-ს მიერ მიღებული ინფორმაციით, საუბარია რამდენიმე დამკვირვებელსა და აჭარის რეგიონში გახსნილ ერთ-ერთ საგამოცდო ცენტრზე.
ფაქტის დადასტურება და მიზეზი ჩვენ დღეს, 10 ივლისს, შეფასებისა და გამოცდების ეროვნულ ცენტრს ვთხოვეთ, სადაც ფაქტი არ უარყვეს, თუმცა დეტალური ინფორმაცია ვერ მოგვაწოდეს:
“როგორც აბიტურიენტების, ასევე საგამოცდო პროცესში ჩართული ყველა სხვა პირის შემთხვევაში, შეფასებისა და გამოცდების ეროვნული ცენტრი მკაცრად იცავს პერსონალურ მონაცემებსა და კონფიდენციალურობას, რის გამოც არასდროს ვასახელებთ არც კონკრეტულ საგამოცდო ცენტრს და არც უშუალოდ გათავისუფლების მიზეზს. როგორც წესი, საგამოცდო პროცესიდან დასაქმებული პირი იხსნება სამუშაოს არაჯეროვნად შესრულების გამო. მსგავსი შემთხვევები არ რჩება რეაგირების გარეშე. წელსაც იყო ასეთი ერთეული შემთხვევა”, – განუმარტეს EDU.ARIS.GE-ს შეფასებისა და გამოცდების ეროვნულ ცენტრში.
ასევე იხილეთ:
-
„სანამ წერას და არგუმენტებზე ფიქრს დაიწყებთ, ეს გააკეთეთ“ – 7 რეკომენდაცია აბიტურიენტებს ლიტერატურის გამოცდის წინ by სიახლეები მისაღებ გამოცდებზე
-
აბიტურიენტი: „გამოცდაზე დარიგებული რუკების წამოღება და ჩემი სკოლისთვის ჩუქება მომინდა“ by სიახლეები მისაღებ გამოცდებზე
-
„ბევრი პედაგოგი სკოლიდან წასვლაზე დაფიქრდება“ – ორად გაყოფილი პოზიცია გორის საგამოცდო ცენტრიდან და პროგნოზები სახელფასო პოლიტიკაზე by ARIS.GE-განათლება