“ევროპის უნივერსიტეტსა” და ფინანსურ საკონსულტაციო კომპანია AFINWISE-ს შორის მემორანდუმი გაფორმდა
“ევროპის უნივერსიტეტსა” და Afinwise-ს შორის ურთიერთთანამშრომლობის მემორანდუმი გაფორმდა. მემორანდუმს ხელი “ევროპის უნივერსიტეტის” ვიცე-რექტორმა ხარისხის განვითარების მიმართულებით სოფიო ხუნდაძემ და კომპანია Afinwise-ის დამფუძნებელმა და დირექტორმა ანა ბალესიაშვილმა მოაწერეს.
“ევროპის უნივერსიტეტის” სტუდენტთა და კურსდამთავრებულთა მომსახურების ცენტრის ორგანიზებით სტუდენტებისთვის ახალ პარტნიორთან შეხვედრა გაიმართა.
ანა ბალესიაშვილი სტუდენტებს პროფესიული და კარიერული განვითარების მიმართულებით პიროვნული თვისებების გავლენებზე ესაუბრა.
ინტერაქციული შეხვედრის ფარგლებში სტუდენტებმა კომპანიის დამფუძნებელთან მათთვის საინტერესო კითხვები გააჟღერეს და შესაბამისი პასუხები მიიღეს.
Afinwise არის კომპანია, რომელიც როგორც მოკლევადიანი, ისე სტრატეგიული მიზნების მიღწევაში ეხმარება კლიენტებს და ბაზრის სექტორული ცოდნისა და უახლესი ანალიტიკური ინსტრუმენტების გამოყენებით მათ ფინანსურ პროგრესს უზრუნველყოფს.
- “ევროპის უნივერსიტეტში” მოსწავლეებისთვის გამოცხადებული ესეების კონკურსის – “ჩვენ ვზრუნავთ ცხოველებზე, თქვენ?!” დაჯილდოება გაიმართა by ევროპის უნივერსიტეტი
- “ევროპის უნივერსიტეტში” ევროპარლამენტის ყოფილი წევრის ჰანს-იურგენ ზახორკას საჯარო ლექცია გაიმართა by ევროპის უნივერსიტეტი
- “ევროპის უნივერსიტეტში“ საჯარო ლექცია – „ევროპული ღირებულებების სამართლებრივი შედეგები და საქართველოს ევროკავშირში გაწევრიანება“ გაიმართება by ევროპის უნივერსიტეტი