“ევროპის უნივერსიტეტსა” და “რითეილ ასოციაციას” შორის მემორანდუმი გაფორმდა

23 ივლისს, სტუდენტთა და კურსდამთავრებულთა მომსახურების ცენტრის ორგანიზებით, “ევროპის უნივერსიტეტსა“ და „რითეილ ასოციაციას“ შორის ურთიერთთანამშრომლობის მემორანდუმი გაფორმდა.

მემორანდუმს “ევროპის უნივერსიტეტის” ბიზნესისა და ტექნოლოგიების ფაკულტეტის დეკანმა ილია ბოცვაძემ და “რითეილ ასოციაციის“ აღმასრულებელმა დირექტორმა სოფიო ქაშაკაშვილმა მოაწერეს ხელი.

შეხვედრის ფარგლებში მხარეებმა სამომავლო პერსპექტივებზე ისაუბრეს.

აღნიშნული თანამშრომლობა “ევროპის უნივერსიტეტის” ბიზნესის ადმინისტრირებისა და ფინანსების და საბანკო საქმის საბაკალავრო პროგრამის სტუდენტებს დასაქმებისა და პრაქტიკული გამოცდილების შესაძლებლობას მისცემს.

„რითეილ ასოციაცია“ 13 მსხვილ ბიზნესსუბიექტს აერთიანებს და როგორც წევრი კომპანიების, ასევე ქვეყანაში არსებული საცალო სექტორის განვითარებაზე ზრუნავს.