გამოქვეყნდა ცნობარი მასწავლებლის მომზადების საგანმანათლებლო პროგრამაზე ჩარიცხვის მსურველთათვის

განათლების მართვის საინფორმაციო სისტემის მიერ დღეს, 5 აპრილს გამოქვეყნებული ინფორმაციით, გამოცხადდა მიღება 2024-2025 სასწავლო წლისთვის მასწავლებლის მომზადების საგანმანათლებლო პროგრამაზე აპლიკანტთა ჩარიცხვის მიზნით.

დეტალური ინფორმაცია უმაღლესი საგანმანათლებლო დაწესებულებების მიერ გამოცხადებული პროგრამის შესახებ იხილეთ ცნობარში.

ცნობარით იხელმძღვანელებენ ის პირები, რომელთაც ჩაბარებული ექნებათ მასწავლებლის საგნის გამოცდა და სკოლაში დასაქმების უფლებისთვის ესაჭიროებათ მასწავლებლის მოსამზადებელი საგანმანათლებლო პროგრამის გავლა.

ცნობარში მოცემულია დეტალური ინფორმაცია თუ რომელ უნივერსიტეტებს აქვთ მომზადების პროგრამა და რას ითვალისწინებს თითოეულში ჩარიცხვა.