ჟურნალში შეფასების კორექტირება გასული დროით – როგორ უნდა მოითხოვოს პედაგოგმა ეს უფლება

როგორც ცნობილია, განათლების მართვის საინფორმაციო სისტემამ (EMIS) ელექტრონული ჟურნალის „მოთხოვნების“ მოდულში დაამატა ახალი ფუნქცია – „განმსაზღვრელი – განმავითარებელი შეფასების კორექტირება“.

EMIS დღეს, 9 მარტს, აქვეყნებს ინსტრუქციას მასწავლებლებისთვის, თუ როგორ უნდა გააგზავნოთ მოთხოვნა გასული დროით განმსაზღვრელი ან განმავითარებელი შეფასების რედაქტირებაზე ელექტრონულ ჟურნალში.

EDU.ARIS.GE განათლების, მეცნიერებისა და ახალგაზრდობის სამინისტროს სსიპ-ის მიერ გავრცელებულ თითოეულ ნაბიჯს უცვლელად გთავაზობთ:

1. ავტორიზაციის გავლის შემდეგ გახსენით მოდული „მოთხოვნები“
2. ზედა მარჯვენა კუთხეში დააჭირეთ ღილაკს „+“
3. გახსნილ ფანჯარაში შეავსეთ ველები:

• მოთხოვნის ტიპი – „ჟურნალის კორექტირება“;
• მთლიანი ჟურნალი/კონკრეტული თარიღი;
• კლასი;
• საგანი;
• რედაქტირების ტიპში ირჩევთ „განმსაზღვრელი/განმავითარებელი შეფასება“;
• კომენტარი (კომენტარის ველი სავალდებულოა).

4. ყველა ველის შევსების შემდეგ დააჭირეთ ღილაკს „გაგზავნა“
5. მოთხოვნის დადასტურების შემდეგ, ინფორმაცია აისახება „სტატუსის“ ველში

გაითვალისწინეთ:

დირექტორის მიერ მოთხოვნის დადასტურების შემდეგ, მასწავლებელს აქვს 24 საათი სემესტრული შეფასების კორექტირებისთვის. ვადის გასვლის შემთხვევაში, საჭიროა მოთხოვნის ხელახლა გაგზავნა.

ასევე იხილეთ:

„განმსაზღვრელი – განმავითარებელი შეფასების კორექტირება“ – ცვლილება ელექტრონულ ჟურნალში