ჰარუნ ჩიმქეს მიერ თურქულ ენაზე თარგმნილი წიგნების წარდგენა აწსუ-ში
![](https://edu.aris.ge/news/wp-content/uploads/2023/06/atsu-070623-458x257.jpg)
აკაკი წერეთლის სახელმწიფო უნივერსიტეტში გაიმართა ცნობილი თურქი მთარგმნელისა და ქართველოლოგის, ასოცირებული პროფესორის, ჰარუნ ჩიმქეს მიერ თურქულ ენაზე თარგმნილი წიგნების – ჭაბუა ამირეჯიბის „დათა თუთაშხია“ და „ოსმალეთისა და ევროპის გზებზე ხუთი ქართველი მწერლის (სულხან-საბა ორბელიანის, ტიმოთე გაბაშვილის, გიორგი ავალიშვილის, იონა გედევანიშვილისა და გიორგი ერისთავის) მოგზაურული ჟანრის ნაწარმოებები“ – წარდგინება, რომელსაც უნივერსიტეტის ადმინისტრაციასთან, ადგილობრივი თვითმმართველობის წარმომადგენლებთან ერთად ესწრებოდნენ მოწვეული სტუმრები, მათ შორის, ცნობილი ფეხბურთელები შოთა და აჩი არველაძეები. ჰარუნ ჩიმქემ აუდიტორიას, სხვა თარგმანებთან ერთად, შოთა არველაძის ავტობიოგრაფიული წიგნის თურქულენოვანი თარგმანიც წარუდგინა.
ღონისძიება ჩატარდა აკაკი წერეთლის სახელმწიფო უნივერსიტეტის, ჰუმანიტარულ მეცნიერებათა ფაკულტეტის, ქართული ფილოლოგიის დეპარტამენტისა და ქართული ენის მიმართულების ორგანიზებით.
-
აწსუ-ის სტუდენტები სოციალური აქციის ფარგლებში ქუთაისში ხანდაზმულთა პანსიონატს ეწვივნენ by აკაკი წერეთლის სახელმწიფო უნივერსიტეტი
-
აწსუ CBHE 2024-ის 5 გამარჯვებული პროექტის მონაწილეა by აკაკი წერეთლის სახელმწიფო უნივერსიტეტი
-
აწსუ-ის სტუდენტი მარიამ კუხიანიძე სრული დაფინანსებით ავეიროს უნივერსიტეტში (პორტუგალია) ისწავლის by აკაკი წერეთლის სახელმწიფო უნივერსიტეტი