IBSU-მ ადმინისტრაციული სამართლის ფორუმს უმასპინძლა
შავი ზღვის საერთაშორისო უნივერსიტეტმა ადმინისტრაციული სამართლის ფორუმს უმასპინძლა. ფორუმი საქართველოს ადვოკატები დამოუკიდებელი პროფესიისათვის, იურიდიული პროფესიის განვითარების ცენტრი და შავის ზღვის საერთაშორისო უნივერსიტეტის ორგანიზებით ჩატარდა.
ფორუმის მონაწილეებს შავი ზღვის საერთაშორისო უნივერსიტეტის რექტორი საფფეთ ბაირაქთუთანი მიესალმა. დღესვე გაფორმდა ურთიერთთანამშრომლობის მემორანდუმი უნივერსიტეტსა და „საქართველოს ადვოკატები დამოუკიდებელი პროფესიისათვის“ შორის.
ფორუმზე განიხილეს ადმინისტრაციული სამართლის მნიშვნელოვანი და პრობლემური საკითხები, მათ შორის ადმინისტრაციული სამართალწარმოების დროს დროებითი განჩინებისა და სარჩელის უზრუნველყოფის ღონისძიების გამოყენების და უძრავი ქონების რეგისტრაციასთან დაკავშირებული დავების განხილვის პრობლემური საკითხები.
პირველ სესიას უძღვებოდა, თბილისის სააპელაციო სასამართლოს ადმინისტრაციულ საქმეთა პალატის მოსამართლე, ხატია არდაზიშვილი, რომელმაც სასამართლოში ადმინისტრაციული საქმის წარმოების საკითხებზე და გამოწვევებზე ისაუბრა.
ფორუმის მეორე სესია ჩაატარა საქართველოს უზენაესი სასამართლოს მოსამართლემ თამარ ოქროპირიძემ, რომელმაც მონაწილეებს უძრავი ქონების რეგისტრაციასთან დაკავშირებული დავების განხილვის პრობლემური საკითხები გააცნო.
ღონისძიებაში მონაწილეობა მიიღეს საქართველოს ადვოკატთა ასოციაციის წევრებმა, პრაქტიკოსმა იურისტებმა და საჯარო მოხელეებმა, რომლებიც დაინტერესებულნი არიან ადმინისტრაციული სამართლის საკითხებით.
- ამბის თხრობის ხელოვნება სოციალურ მედიაში – ვორქშოფი IBSU-ში by შავი ზღვის საერთაშორისო უნივერსიტეტი
- „სამართალი ფილმებში“ – IBSU-ში აბიტურიენტებისთვის ზამთრის სკოლაში რეგისტრაცია დაიწყო by შავი ზღვის საერთაშორისო უნივერსიტეტი
- დაპროგრამებაში უნივერსიტეტებს შორის მსოფლიო ჩემპიონატის (ACM ICPC) ნახევარფინალში IBSU-ს ორი გუნდი გადავიდა by შავი ზღვის საერთაშორისო უნივერსიტეტი