როგორ და რა პრინციპით შემოწმდება აჭარაში განათლების სამინისტროზე დაქვემდებარებული უწყებები – მინისტრის ბრძანება
![](https://edu.aris.ge/news/wp-content/uploads/2024/04/maia-1-458x257.jpg)
აჭარის ავტონომიური რესპუბლიკის განათლების, კულტურისა და სპორტის მინისტრის ხელმოწერით დამტკიცდა აჭარის ავტონომიური რესპუბლიკის განათლების, კულტურისა და სპორტის სამინისტროს სტრუქტურული ქვედანაყოფის – შიდა აუდიტისა და ინსპექტირების დეპარტამენტის დებულება.
როგორც 24 აპრილს ხელმოწერილ ბრძანებაში ვკიტხულობთ, დეპარტამენტი არის აჭარის ავტონომიური რესპუბლიკის განათლების, კულტურისა და სპორტის სამინისტროს სტრუქტურული ქვედანაყოფი, ფუნქციურად დამოუკიდებელია თავის საქმიანობაში, თუმცა ანგარიშვალდებულია აჭარის ავტონომიური რესპუბლიკის განათლების, კულტურისა და სპორტის მინისტრის წინაშე.
დეპარტამენტს უფლება აქვს, რომ შიდა აუდიტორული შემოწმება განახორციელოს არაერთ უწყებაში: სამინისტროს სისტემაში შემავალი სტრუქტურული ქვედანაყოფები, საქვეუწყებო დაწესებულებები, ტერიტორიული ორგანოები – რესურსცენტრები, სამინისტროს სისტემაში შემავალი სსიპ-ები და ა(ა)იპ-ები.
შეეძლება ჩაატაროს შემდეგი სახის აუდიტი: სისტემური აუდიტი, შესაბამისობის აუდიტი, ეფექტიანობის აუდიტი, ფინანსური აუდიტი და ინფორმაციული ტექნოლოგიების აუდიტი.
შიდა აუდიტისა და ინსპექტირების დეპარტამენტის უფლება-მოვალეობების, შემოწმების პრინციპისა და წესის შესახებ დეტალური ინფორმაცია აღწერილია დამტკიცებულ დებულებაში.
-
განათლების ხარისხის განვითარების ეროვნული ცენტრის მართვაში ცვლილებები შევა – კანონპროექტი by ARIS.GE-განათლება
-
„აბიტურიენტებისგან იზრდება მოთხოვნა საინჟინრო მიმართულებებზე“ – NAEC-ის ხელმძღვანელი by ARIS.GE-განათლება
-
„ამ ფორმულით დაწყებითების მასწავლებლები განსაკუთრებით დაზარალდნენ…“ – წამყვანი მასწავლებლის დიალოგი განათლების სამინისტროსთან by ARIS.GE-განათლება