ილიას სახელმწიფო უნივერსიტეტი იწყებს განაცხადების მიღებას პრეაქსელერაციის პროგრამაზე

ილიას სახელმწიფო უნივერსიტეტის ტექმეწარმეობისა და ინოვაციების განვითარების ცენტრ Zoomout-ისა და ფაბლაბის ორგანიზებით იწყება განაცხადების მიღება პრეაქსელერაციის პროგრამაზე, რომელიც განხორციელდება 19 ოქტომბრიდან 29 ნოემბრის ჩათვლით.

6-კვირიანი პრეაქსელერაციის მიზანია ხელი შეუწყოს ილიაუნის სტუდენტებსა და კურსდამთავრებულებს:

• საქართველოს სამეწარმეო ეკოსისტემის გაცნობაში;
• საერთაშორისო და ქართული საინვესტიციო და საგრანტო ფონდების მოძიებასა და განაცხადების დახვეწაში;
• ანტრეპრენერული უნარ-ჩვევებისა და აზროვნების განვითარებაში;
• ტექნოლოგიური სტარტაპიდეების განხორციელებასა და გუნდის განვითარებაში.

პროგრამაში ჩართვა შეუძლია ნებისმიერ მსურველს, რომელსაც გუნდში ილიას სახელმწიფო უნივერსიტეტის მინიმუმ ერთი მოქმედი და/ან კურსდამთავრებული სტუდენტი ჰყავს და სურს ინოვაციური იდეების განვითარება და სტარტაპად ჩამოყალიბება.
პროგრამა დასრულდება დემო დღით, რომელზეც მონაწილეები იდეებს გააცნობენ სპეციალურ ჟიურის.

პროგრამაზე შერჩევის კრიტერიუმები:

• იდეის ინოვაციურობა (ინოვაციური მოწყობილობა, სერვისი ან/და პროგრამული უზრუნველყოფა, აპლიკაცია და ა.შ.) – 10 %
• სტარტაპიდეის რეალისტურობა, განხორციელებადობა – 10 %
• პროგრამაში მონაწილეობის მოტივაცია – 80 %

პროგრამა იყოფა 6 ძირითად ნაწილად:

• იდეების გენერირება და დახვეწა
• პროტოტიპირება და ვალიდაცია
• ბიზნესმოდელის დახვეწა და ფინანსები
• საინვესტიციო ფონდების მოძიება
• საგრანტო განაცხადების დაწერის ტექნიკები
• საინვესტიციო პიჩის მომზადება

13 სექტემბერს, 18:00 საათზე, გაიმართება საინფორმაციო ონლაინშეხვედრა.
შეხვედრაზე რეგისტრაციის ბმული.

პროგრამა დაიწყება 19 ოქტომბერს და დასრულდება 29 ნოემბერს.
ფორმატი: ჰიბრიდული (ონლაინ და ილიას სახელმწიფო უნივერსიტეტი)
სამუშაო ენები: ქართული, ინგლისური

პრეაქსელერაციის პროგრამაზე რეგისტრაციისთვის ეწვიეთ ბმულს.

რეგისტრაციის ვადა: 2024 წლის 25 სექტემბერი, 23:59 საათი.

პროგრამა ხორციელდება პროექტის „უნივერსიტეტის სამეწარმეო განათლების (EE) სასწავლო (კურიკულარული) და კოკურიკულარული რეფორმა“ ფარგლებში, რომელიც საქართველოს განათლებისა და მეცნიერების სამინისტროს და მსოფლიო ბანკის ერთობლივი პროგრამის „ინოვაციის, ინკლუზიურობის და ხარისხის პროექტი – საქართველო I2Q (IBRD)” შექმნილი კონკურენტული ინოვაციის ფონდის (CIF) საგრანტო კონკურსის გამარჯვებულია.

უნივერსიტეტის სხვა ამბები