სულხან-საბა ორბელიანის უნივერსიტეტს საჯარო მმართველობის საბაკალავრო პროგრამა დაემატა

სულხან-საბა ორბელიანის უნივერსიტეტი კვლავ აძლიერებს თავის საგანმანათლებლო პროგრამებს და ამჯერად გამორჩეულ შესაძლებლობებს სთავაზობს მათ, ვისაც საჯარო მმართველობის სფერო აინტერესებს.

“საჯარო მმართველობის” საბაკალავრო პროგრამამ 7-წლიანი უპირობო აკრედიტაცია მიიღო.
პროგრამა უზრუნველყოფს ფართო თეორიულ ცოდნასა და პრაქტიკულ უნარებს, რაც აუცილებელია თანამედროვე საჯარო სექტორში დასაქმებისთვის. ეს პროგრამა დაფუძნებულია ევროპულ ღირებულებებსა და ინოვაციურ სასწავლო მიდგომებზე, რაც მისი სტუდენტებისთვის უპირატეს გარემოს ქმნის პროფესიული განვითარებისთვის.

პროგრამის ძირითადი მიმართულებები:

• თანამედროვე საჯარო მმართველობის მოდელები, სისტემები და პრინციპები;
• საჯარო პოლიტიკის დაგეგმვისა და განხორციელების მეთოდები;
• ელექტრონული მმართველობისა და ციფრული ტექნოლოგიების მნიშვნელობა;
• სამართლებრივი, პოლიტიკური და ეკონომიკური საფუძვლები;
• შედეგზე ორიენტირებული გადაწყვეტილებების მიღების ინოვაციური მექანიზმები.

პრაქტიკული კომპონენტები და უნარების განვითარება:

• სახელმწიფო სტრუქტურებში არსებული გამოწვევების ანალიზი და მათი გადაჭრის გზების ძიება;
• მონაცემთა ანალიზისა და არგუმენტირებული მსჯელობის უნარი;
• საჯარო მმართველობის სფეროში მოქმედი დოკუმენტების შედგენა;
• კიბერუსაფრთხოებისა და ელექტრონული მმართველობის სტრატეგიების გამოყენება.

ექსკლუზიური და პრაქტიკული სასწავლო კურსები:

• საჯარო მმართველობის პრაქტიკული კლინიკა – რეალური ქეისების ანალიზი და მათზე მუშაობა;
• ადამიანური რესურსების მენეჯმენტი – კადრების შერჩევის, მოტივაციისა და მართვის მექანიზმები;
• პოლიცია და ადამიანის უფლებები – სამართლისა და უსაფრთხოების სფეროს ურთიერთობა;
• სამოხელეო სამართალი – საჯარო სექტორში სამართლებრივი პროცედურები;
• საგადასახადო საქმის საფუძვლები – ბიუჯეტისა და ფინანსების მართვა;
• ელექტრონული მმართველობა და კიბერუსაფრთხოება – თანამედროვე ტექნოლოგიების როლი საჯარო მმართველობაში.

რატომ უნდა აირჩიოს სტუდენტმა სულხან-საბა ორბელიანის უნივერსიტეტი?

• პროფესიონალი ლექტორები – სწავლების პროცესში ჩართულნი არიან როგორც მოქმედი საჯარო მოხელეები, ისე აკადემიური სფეროს საუკეთესო წარმომადგენლები;
• პრაქტიკული სწავლება – სწავლება მიმდინარეობს თანამედროვე მეთოდების გამოყენებით;
• კარიერული პერსპექტივები – პროგრამის დასრულების შემდეგ კურსდამთავრებულებს შეუძლიათ დასაქმდნენ ადმინისტრაციულ თანამდებობებზე სახელმწიფო და კერძო სექტორში, არასამეწარმეო ორგანიზაციებში, მაკონტროლებელ ორგანოებში და სხვა მნიშვნელოვან პოზიციებზე.

სულხან-საბა ორბელიანის უნივერსიტეტის საჯარო მმართველობის პროგრამა წარმოადგენს უნიკალურ შესაძლებლობას იმ ახალგაზრდებისთვის, რომლებიც დაინტერესებულნი არიან საჯარო სექტორითა და თანამედროვე მმართველობითი სისტემებით.