იქნება თუ არა ცვლილებები 2026 წლის ერთიან ეროვნულ გამოცდებზე – NAEC-ის ხელმძღვანელის პასუხი

„ფიქრით ცვლილებებზე სულ ვფიქრობთ, ჩვენ არ გვაქვს იმის უფლება, რომ არ ვიფიქროთ“, – ასე უპასუხა შეფასებისა და გამოცდების ეროვნული ცენტრის ხელმძღვანელმა, ნინო წერეთელმა სატელევიზიო ეთერში ჟურნალისტის მიერ დასმულ კითხვას, რომელიც ერთიანი ეროვნული გამოცდების ცვლილებებს ეხება.

ნინო წერეთელს არ დაუკონკრეტებია მიმდინარეობს თუ არა ისევ მუშაობა და რა ეტაპზეა გამოცდების ახალ მოდელზე მუშაობის პროცესი, რომელიც, როგორც ცნობილია 2023 წელს დაწყებული იყო, მოგვიანებით კი საკითხზე ქვეყნის პრემიერ-მინისტრმაც ისაუბრა საკუთარი მოხსენების ფარგლებში.

„მე-12 კლასში გამოცდები შერჩეულ საგნებში ჩატარდება“ – რას წერს პრემიერ-მინისტრი ზოგად განათლებაში მთავრობის პროგრამის შესრულებაზე

„პირდაპირ გეტყვით, რომ 2026 წელს ზუსტად იგივე მოდელით ჩატარდება გამოცდები, როგორც ვატარებდით 20 წელი და ეს 21-ე წელი იქნება“, – აღნიშნა ნინო წერეთელმა.

ასევე იხილეთ:

2026 წლის აბიტურიენტებისთვის საგანმანათლებლო პროგრამების ჩამონათვალი ჩასაბარებელი საგნების მიხედვით გამოქვეყნდა