კონკურსი სკოლებისთვის – „ყველაზე მედიაწიგნიერი სკოლა“

მედიის განვითარების ფონდი ნიდერალნდების საელჩოს მხარდაჭერით და ილიას უნივერსიტეტთან და PHI საქართველოსთან პარტნიორობით აცხადებს კონკურსს, ყველაზე მედიაწიგნიერი სკოლის გამოსავლენად.

კონკურსში მონაწილეობისათვის:

1. შექმენით სკოლის გუნდი, რომლის წევრების მაქსიმალური რაოდენობა 5-ს არ გადააჭარბებს. გუნდი წარმოადგენს ერთ სკოლას, რომელიც უნდა აერთიანებდეს პედაგოგებსა და X-XII კლასის მოსწავლეებს;

2. დაარეგისტრირეთ თქვენი გუნდი შემდეგ ბმულზე და შეავსეთ აპლიკაცია.

კონკურსში მონაწილეობა შეუძლიათ საჯარო და კერძო სკოლების გუნდებს.

აპლიკაციაში ატვირთეთ მედიაწიგნიერებაზე საპროექტო განაცხადი, რომელიც შეეხება ქვემოთ ჩამოთვლილთაგან ერთ-ერთ თემას:

• ყალბი ინფორმაციის იდენტიფიცირება;
• ყალბი ვიზუალის (ფოტო/ვიდეო) იდენტიფიცირება:
• ყალბი ფეისბუკ პროფილის იდენტიფიცირება;
• მედიაშინაარსის კრიტიკული ანალიზი;
• ჟურნალისტური ეთიკა და პროფესიული სტანდარტები;
• მედიის ფინანსური და მფლობელების გამჭვირვალობა;
• კიბერუსაფრთხოება;
• სიძულვილის ენა;
• მედიაწიგნიერების ინტერაქციული სწავლება;
• ნებისმიერი თემა, რომელიც მედია და ინფორმაციული წიგნიერების კომპეტენციებს ავითარებს.

მედია და ინფორმაციული წიგნიერების პროექტი შესაძლოა იყოს შემდეგი სახის (თუმცა ეს სია შეზღუდული არ არის):

• ონლაინ თამაშის იდეა;
• ოფლაინ თამაში იდეა (ბანქო, პაზლი და სხვა);
• ქვიზი;
• კრეატიული გაკვეთილი მედია და ინფორმაციული წიგნიერების თემაზე;
• ცნობიერების ამაღლების კამპანია მედია და ინფორმაციულ წიგნიერებაზე (ვიდეო რგოლის სცენარი, სლოგანები, პოსტერები):
• როლური თამაშები
• სხვა

სააპლიკაციო განაცხადებს განიხილავს ჟიური, რომელიც პირველ ეტაპზე გამარჯვებულ პროექტებს გამოავლენს. მეორე ეტაპზე გადასული გუნდები ჟიურის წინაშე თავიანთი პროექტების პრეზენტაციას ონლაინ მოახდენენ.

ყველაზე მედიაწიგნიერ სკოლას შესაბამისი პრიზი და კომპიუტერი გადაეცემა.

მე-2 და მე-3 ადგილზე გასული სკოლები სერტიფიკატებით და სპეციალური საჩუქრებით დაჯილდოვდებიან.

საკონკურსო განაცხადების შევსების ბოლო ვადაა 1-ლი სექტემბერი.

პროექტი საქართველოში ნიდერლანდების საელჩოს მხარდაჭერით ტარდება.

(R)