GE

კსუ-ში საჯარო სამსახურის ბიუროს ადამიანური რესურსების მართვის დეპარტამენტის უფროსმა საჯარო ლექცია ჩაატარა

კავკასიის საერთაშორისო უნივერსიტეტის სტუდენტებთან, საჯარო სამსახურის ბიუროს ადამიანური რესურსების მართვის დეპარტამენტის უფროსმა ირმა მიქაძემ საჯარო ლექცია – დასაქმება საჯარო სამსახურში ჩაატარა.

მომხსენებელმა საჯარო სამსახურის სპეციფიკაზე, სტაჟირების სახელმწიფო პროგრამასა და დასაქმების პორტალ HR.gov.ge-ზე ისაუბრა.

ირმა მიქაძემ სტუდენტებს სტაჟირების სახელმწიფო პროგრამის დადებითი მხარეები გააცნო : პროფესიული გამოცდილების შეძენა, პრაქტიკული უნარ-ჩვევების გამომუშავება და დასაქმების თანაბარი პირობების შექმნა.

ადამიანური რესურსების მართვის დეპარტამენტის უფროსმა, დამსწრე საზოგადოებას კონკრეტული რჩევები და რეკომენდაციები მისცა რეზიუმესა თუ სამოტივაციო წერილის სწორად შესადგენად და გასაუბრებისთვის წინასწარ მომზადება ურჩია.
შეხვედრის დროს, მომხსენებელმა სტუდენტების მოსაზრებები მოისმინა და მათ შეკითხვებსაც უპასუხა.

დასვით კითხვა და მიიღეთ პასუხი - ედუს საცნობარო სამსახური