საგნის გამოცდა 2023 წელს იტალიურ ენაშიც ჩატარდება – ახალი ბრძანება
![](https://edu.aris.ge/news/wp-content/uploads/2023/05/36908167_1723162014419447_4461693768902377472_n-458x257.jpg)
„საგნისა და პროფესიული უნარების გამოცდების ჩატარების წესის დამტკიცების შესახებ“ საქართველოს განათლებისა და მეცნიერების მინისტრის ბრძანებაში ცვლილებები შევიდა.
15 ივნისით დათარიღებულ ცვლილების დოკუმენტში, რომელსაც ხელს აწერს განათლებისა და მეცნიერების მინისტრის მოვალეობის დროებით შემსრულებელი და მინისტრის მოადგილე, გელა გელაძე, ვკითხულობთ, რომ საგნის გამოცდა 2023 წელს იტალიურ ენაშიც ჩატარდება, სხვადასხვა თავისებურებების გათვალისწინებით.
ბრძანებაში არ არის დაკონკრეტებული გამოცდა ზაფხულში დაგეგმილ მასწავლებელთა საგნის გამოცდებთან ერთად ჩატარდება თუ სხვა თარიღებში, თუმცა, დადგენილია, რომ იტალიური ენის ტესტირება ჩატარდება ინდივიდუალური ადმინისტრაციულ-სამართლებრივი აქტით დადგენილი ფორმატით.
“იტალიური ენის ტესტური დავალებების შემუშავებას უზრუნველყოფს სსიპ – მასწავლებელთა პროფესიული განვითარების ეროვნული ცენტრი და გადასცემს ცენტრს ტესტირებამდე არაუგვიანეს 1 თვისა. იტალიური ენის ტესტისათვის გამოყოფილ საგამოცდო დროსა და მაქსიმალურ ქულას ცენტრი (ნავარაუდევია გამოცდების ცენტრი ავტ,) ადგენს სსიპ – მასწავლებელთა პროფესიული განვითარების ეროვნული ცენტრის წარდგინებით”,- ვკითხულობთ გამოქვეყნებულ ბრძანებაში.
ასევე იხილეთ:
-
„სანამ წერას და არგუმენტებზე ფიქრს დაიწყებთ, ეს გააკეთეთ“ – 7 რეკომენდაცია აბიტურიენტებს ლიტერატურის გამოცდის წინ by სიახლეები მისაღებ გამოცდებზე
-
აბიტურიენტი: „გამოცდაზე დარიგებული რუკების წამოღება და ჩემი სკოლისთვის ჩუქება მომინდა“ by სიახლეები მისაღებ გამოცდებზე
-
„ბევრი პედაგოგი სკოლიდან წასვლაზე დაფიქრდება“ – ორად გაყოფილი პოზიცია გორის საგამოცდო ცენტრიდან და პროგნოზები სახელფასო პოლიტიკაზე by ARIS.GE-განათლება