მეხუთეკლასელ გოგონას მუქარის შემცველი წერილი სკოლაში დაუტოვეს, სადაც თანხას ითხოვენ – დაწყებულია გამოძიება
![](https://edu.aris.ge/news/wp-content/uploads/2023/10/sapatrulo-policia-458x257.jpg)
გორის რაიონში მეხუთე კლასის მოსწავლის მიმართ მუქარის ფაქტზე გამოძიება დაიწყო
გორის რაიონში მეხუთეკლასელ გოგონას მუქარის შემცველი წერილი დაუტოვეს. შემთხვევა გორის მუნიციპალიტეტის სოფელ აძვის საჯარო სკოლაში მოხდა.
წერილი ათი წლის გოგოს სკოლაში, მერხის ქვეშ დახვდა.
ფაქტს ადასტურებენ რესურსცენტრშიც და სკოლაშიც. მათივე ცნობით, წერილში თანხას ითხოვდნენ, წინააღმდეგ შემთხვევაში, მოზარდს ოჯახის წევრის ფიზიკური ხელყოფით ემუქრებოდნენ.
„ფაქტი ნამდვილად მოხდა. წერილი სკოლაში მეხუთეკლასელს მერხის ქვეშ დაუტოვეს. ხელნაწერი. კონკრეტული თანხა იყო დასახელებული და ეწერა, რომ თანხა ამავე ადგილზე უნდა დაედო. ემუქრებოდნენ ოჯახის წევრს. ჩვენ მაშინვე ვაცნობეთ პოლიციას და დაწყებულია გამოძიება. სხვა დეტალებზე ვერ ვისაუბრებ. იმედს ვიტოვებ, რომ ვიღაცამ ცუდად იხუმრა“, – განაცხადა გორის საგანმანათლებლო რესურსცენტრის დირექტორმა, ნანა ტერმაკოზაშვილმა.
შინაგან საქმეთა სამინისტრომ მომხდარზე გამოძიება სსკ-ის 151-ე მუხლით დაიწყო, რაც მუქარას გულისხმობს.
წყარო: 1tv.ge
-
SEU-ს სამაგისტრო პროგრამები, რომელსაც საქართველოში ანალოგი არ აქვს – ფინანსური ტექნოლოგიები და ბიზნეს ანალიტიკა by მასმედია
-
საქართველოს საერთაშორისო უნივერსიტეტ ჯიუ-ს ექსკლუზიური შეთავაზებები აბიტურიენტებს by მასმედია
-
ევროპის წამყვან უნივერსიტეტთან თანამშრომლობით, KIU ფინანსებისა და ინფორმაციის მენეჯმენტის (FIM) სამაგისტრო პროგრამას გთავაზობთ – რეგისტრაცია დაიწყო by მასმედია