„მიზეზი საცობია“ – მასწავლებლის გამოცდაზე ერთ საგამოცდო ცენტრში ორმა მონაწილემ დააგვიანა

ზაფხულის გამოცდები გრძელდება. დღეს, 9 ივლისს, მასწავლებლის საგნის გამოცდები 5 საგანში ტარდება – ფიზიკა, ქიმია, ისტორია, ქართული ენა და ლიტერატურა და ბიოლოგია VII-XII კლასებისთვის.

ტესტირებაზე დაგვიანების შემთხვევები მასწავლებლებსა და მასწავლებლობის მსურველთა შორისაც არის. როგორც EDU.ARIS.GE-ს ჟურნალისტი ადგილიდან გვატყობინებს, დილის სესიაზე, თბილისის 175-ე საჯარო სკოლაში გახსნილ საგამოცდო ცენტრში ორმა მამაკაცმა დააგვიანა.

გამოსაცდელები ადგილზე ტესტირების დაწყებიდან, დაახლოებით, 20 წუთის შემდეგ მივიდნენ. საგამოცდო ცენტრიდან გამოსულმა NAEC-ის წარმომადგენელმა კი მათ განუმარტა, რომ გამოცდა დაწყებული იყო და აპლიკანტების ტესტირებაზე დაშვებას ვეღარ შეძლებდნენ.

როგორც ერთ-ერთმა გამოსაცდელმა აღნიშნა, საგამოცდო ცენტრში დროულად მისვლა ქალაქში არსებული საცობის გამო ვერ მოახერხა, რამაც მისი გაღიზიანება გამოიწვია.

ორივე დაგვიანებული ისტორიის გამოცდაზე უნდა გასულიყო.

ასევე იხილეთ:

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე

განახლებადი ინფორმაცია გამოცდების შესახებ

მარიამ იმერლიშვილი