„მომავალი წლიდან წვევამდელთა სამსახური არსებითად შეცვლილი იქნება, ხარვეზი გამოვასწორეთ“ – თავდაცვის მინისტრი
![](https://edu.aris.ge/news/wp-content/uploads/2023/10/t-1710-458x257.png)
საქართველოს თავდაცვის მინისტრმა, ჯუანშერ ბურჭულაძემ პარლამენტში, „მინისტრის საათის“ ფორმატში გამოსვლისას თავდაცვის კოდექსით გათვალისწინებულ მნიშვნელოვან ცვლილებებზე ისაუბრა.
„კოდექსით დავარეგულირეთ არაერთი ხარვეზი. მინდა, გამოვყო ჩემთვის ყველაზე მნიშვნელოვანი, რაც კოდექსმა დაარეგულირა. ეს არის, რომ წვევამდელთა სამსახური იქნება მხოლოდ თავდაცვის ძალებში და მომავალი წლიდან წვევამდელთა სამსახური არსებითად შეცვლილი იქნება. ასევე, დარეგულირდა სამხედროებისთვის სოციალური გარანტიები, რაც საშუალებას მოგვცემს, შევინარჩუნოთ ოფიცერთა შემადგენლობა და მათ ჰქონდეთ გარანტირებული პირობები“, – აღნიშნა ჯუანშერ ბურჭულაძემ.
მინისტრის განმარტებით, სამუდამოდ აღმოიფხვრა ნაკლოვანებები, რაც უკავშირდებოდა ფიქტიურ „რელიგიურ ორგანიზაციებს“, რომლებიც ხელს უწყობდნენ წვევამდელებს ჯარისგან თავის არიდებაში.
„ფიქტიური რელიგიური ორგანიზაციები დიდ პრობლემას წარმოადგენდა, ზოგადად, ჩვენი უსაფრთხოების სექტორისთვის. პირობითად, 90% ვისაც უნდოდა თავის არიდება სავალდებულო სამსახურისთვის, იყენებდა ამ საშუალებას. ეს ხარვეზი ჩვენ გამოვასწორეთ და, იმედია, ამის ირგვლივ გავერთიანდებით“, – აღნიშნა ჯუანშერ ბურჭულაძემ.
წყარო: 1tv.ge
-
SEU-ს სამაგისტრო პროგრამები, რომელსაც საქართველოში ანალოგი არ აქვს – ფინანსური ტექნოლოგიები და ბიზნეს ანალიტიკა by მასმედია
-
საქართველოს საერთაშორისო უნივერსიტეტ ჯიუ-ს ექსკლუზიური შეთავაზებები აბიტურიენტებს by მასმედია
-
ევროპის წამყვან უნივერსიტეტთან თანამშრომლობით, KIU ფინანსებისა და ინფორმაციის მენეჯმენტის (FIM) სამაგისტრო პროგრამას გთავაზობთ – რეგისტრაცია დაიწყო by მასმედია