პროექტი „ბიზნესის ტრენინგების ცენტრი რეგიონული განვითარებისთვის“

2011 წლის 1 დეკემბრიდან გორის სასწავლო უნივერსიტეტში ხორციელდება პროექტი „ბიზნესის ტრენინგების ცენტრი რეგიონული განვითარებისთვის“ (კოორდინატორი ქეთი ცოტნიაშვილი). პროექტი დაფინანსებულია აშშ-ს საელჩოს მიერ დემოკრატიის კომისიის მცირე გრანტების პროგრამის ფარგლებში. პროექტის მიზანია ბიზნესის მიმართულებით სტუდენტების პრაქტიკული უნარების განვითარება და სკოლის მოსწავლეებისათვის ბიზნესის ძირითადი საკითხების გაცნობა. პროექტის პირველ ეტაპზე სტუდენტებს ჩაუტარდათ ტრენინგები შემდეგ საკითხებზე: ბიზნესის პრინციპები, ბიზნესკომუნიკაცია, მარკეტინგი, ბიუჯეტირება, ბიზნესგეგმის წერა, მარკეტინგული გეგმის წერა, მეწარმეობა.