ქართული ენის დღესთან დაკავშირებით, ქუთაისის უნივერსიტეტის მიერ საინფორმაციო კამპანია განხორციელდა

14 აპრილს, ქართული ენის დღესთან დაკავშირებით, ქუთაისის უნივერსიტეტის მიერ განხორციელდა საინფორმაციო კამპანია, რომელიც მიზნად ისახავდა ინფორმაციის გავრცელებას 1978 წელს განვითარებული მოვლენების შესახებ.

უნივერსიტეტის სტუდენტები მიმართავდნენ შემთხვევით გამვლელებს კითხვებით, თუ რა დღე აღინიშნება 14 აპრილს და რატომ? გამოკითხულთა უმრავლესობას, რომლებიც არ ფლობნენ ინფორმაციას “დედა ენის” დღესთან დაკაშირებით გადაეცათ შესაბამისი საინფორმაციო ფლაერი. ხოლო, მათ ვინც იცოდა 14 აპრილის ისტორია ქუთაისის უნივერსიტეტისაგან გადაეცათ ქართველი კლასიკოსების წიგნები.