ქუთაისის უნივერსიტეტსა და კრედო ბანკს შორის მემორანდუმი გაფორმდა

ქუთაისის უნივერსიტეტსა და კრედო ბანკს შორის გაფორმდა მემორანდუმი, რომელიც ითვალისწინებს უნივერსიტეტისათვის კრედოში არსებული ვაკანსიების შესახებ ინფორმაციის მიწოდებას; უნივერსიტეტი უზრუნველყოფს თავის სტუდენტებთან და კურსდამთავრებულებთან არსებული ვაკანსიების შესახებ ინფორმაციის გავრცელებას.

სტუდენტებისა და კურსდამთავრებულების დასაქმება დამოკიდებული იქნება მხოლოდ მათ უნარებზე და შედეგებზე, რომელსაც ისინი გამოავლენენ შესაბამისი ვაკანსიისთვის შესარჩევ საკონკურსო პროცესში, სხვა ყველა კანდიდატთან თანაბარ პირობებში.