როგორ გამოითვლება აბიტურიენტის აბსოლუტური ქულა – კონკრეტული მაგალითი და რჩევა სპეციალისტისგან

2022 წლის ერთიან ეროვნულ გამოცდებზე გამოყენებული ტესტების გამოქვეყნების პარალელურად, აპლიკანტები ცდილობენ, დამოუკიდებლად ან მასწავლებლის დახმარებით დაადგინონ გამოცდებზე მიღებული ქულა. მიუხედავად იმისა, რომ შედეგები აგვისტოს დასაწყისში გახდება ცნობილი, უკვე შესაძლებელია სავარაუდო ქულის გამოთვლა და ცოდნა რამდენად მოსალოდნელია ამ ქულებით გრანტის მოპოვება. ამისთვის საჭიროა, რომ აბიტურიენტს წარმოდგენილი ჰქონდეს სავარაუდო შედეგი ან ფიქრობდეს შედეგების რამდენიმე ვარიანტზე, იცოდეს ე.წ. საგნის წონები და გამოთვლის ფორმულა.

ამ სტატიაში EDU.ARIS.GE სპეციალისტთან ერთად დაგეხმარებათ, რომ დამოუკიდებლად დაადგინოთ შედეგი და გეტყვით რამდენად საკმარისია ეს ქულა გრანტის ასაღებად.

რა არის და როგორ გამოითვლება აბიტურიენტის აბსოლუტური ქულა
აბსოლუტური ქულა ესაა საკონკურსო შედეგი, რომელიც გამოითვლება აბიტურიენტის მიერ თითოეულ საგამოცდო ტესტში მიღებული სკალირებული ქულით, შემდგომ სკალირებული ქულა გამრავლებული შესაბამის საგნის წონაზე, რომელსაც სახელმწიფო ანიჭებს საგანს. აბიტურიანტი სწორედ მისი შედეგის მიხედვით იღებს სახელწიფო სასწავლო გრანტს.

როგორც ვნახეთ, საგნის წონა ერთ-ერთი კომპონენტია აბსოლუტური ქულის გამოსათვლელად, სახელმწიფო ადგენს თითოეული საგნის წონას.

როგორ არის განაწილებული წონები?

ქართული ენა და ლიტერატურა-1
უცხო ენა-1
ყველა სხვა საგამოცდო საგანი-1.5

სკალირებული ქულა აბიტურიენტებისათვის თანაბარი საკონკურსო პირობების შესაქმნელად გამოიყენება, რასაც ქულების გათანაბრებას ვუწოდებთ.

EDU.ARIS.GE-ს რესპონდენტი ხათუნა ქათამაძე მათემატიკის მასწავლებელია 20 წლიანი სამუშაო გამოცდილებით. ის გვიამბობს, რომ გამოცდაზე მიღებული სავარაუდო ქულების დათვლისა და გრანტის აღების შანსის გასაგებად, აბიტურიენტები ხშირად მიმართავენ სხვადასხვა საშუალებებს. მათ ვინც გამოცდაზე მაღალი ქულა დააფიქსირეს, უკვე იციან, რომ ეს შედეგი გრანტის პროპორციულია. სპეციალისტმა ჩვენთან ერთად განიხილა კონკრეტული მაგალითი, რომელიც აბიტურიენტებს განსაკუთრებით დააინტერესებთ:

„მაგალითად, ნინო კობახიძე, თბილისის სახელმწიფო უნივერსიტეტში სამართლის მიმართულებით აბარებს. მან ჩააბარა გამოცდა მშობლიურ ენაში, უცხო ენათა ჯგუფიდან აირჩია ინგლიური, ასარჩევი საგნებიდან კი მათემატიკა. ქართულის გამოცდაზე ნინომ მეორე ვარიანტის ტესტი წერა, ინგლისურზე- მესამე, ხოლო მათემატიკაში- პირველი.

ნინოსთვის უცნობია საბოლოო შედეგები და ე.წ სკალირებური ქულაც, თუმცა მან რეპეტიტორებთან ერთად უკვე დაადგინა მინიმალური და სავარაუდო ქულები. ის ვარაუდობს, რომ ინგლისური ენის ტესტში 65 ქულაზე ნაკლებს არ აიღებდა.

ნინოს სავარაუდო შედეგები:

ქართული ენა და ლიტერატურა – 63 ქულა – 70-დან
ინგლისური ენა -70 ქულა – 80-დან
მათემატიკა -47 ქულა – 51-დან

ნინომ, აბიტურიენტის ცნობარში კიდევ ერთხელ გადაამოწმა ინფორმაცია სასურველ უნივერსიტეტსა და მიმართულებაზე. აბიტურიენტების ცნობარში მითითებულია, რომ თბილისის სახელმწიფო უნივერსიტეტის სამართლის ფაკულტეტისთვის პრიორიტეტული საგანი არის ქართული ენა და ლიტერატურა რომლის კოეფიციენტი 5-ია; ინგლისური ენის კოეფიციენტი 3-ია, მათემატიკის კი 4; ცნობილია, რომ ე.წ პრიორიტეტული საგანი, რომელშიც მაღალი შედეგი უნდა დაეფიქსირებინა, მშობლიური ენაა, სადაც 63 ქულას ანგარიშობს.

როცა ნინოს ქულების სკალირება მოხდება, შესაძლოა, მნიშვნელოვნად შეცვლოს მისი შედეგი, თუმცა ამ ეტაპზეცაა შესაძლებელი გავიგოთ აიღებს თუ არა ნინო გრანტს.

თუ ნინოს მიერ აღებულ ქულათა ჯამს დავუმატებთ სკალირების დროს აღებულ მინიმუმ კოეფიციენტებს, გამოვთვლით მინიმალურ აბსოლუტურ ქულას (რადგან არ ვიცით სკალირების სავარაუდო ქულა, ვითვლით და ვამატებთ მინიმალურ ქულას) ამ გზით გავიგებთ, რამდენად აქვს ნინოს გრანტის აღების შანსი სასურველ მიმართულებაზე.

163.4+170.3+147.5 შედეგს ვამრავლებთ ნინოს მიერ შერჩეული მიმართულების კოეფიციენტებზე მათემატიკაში 4, ინგლისურში 3, ხოლო ქართულ ენასა და ლიტერატურაში 5.
163.4X5+170.3X3+147.5X4=1917,9

ნინოს შეუძლია naec.ge-ზე, აბიტურიენტთა შედეგების არქივში, 2021 წლის ჩარიცხულ სტუდენტთა შედეგები და სასწავლო გრანტი საკუთარ შედეგებს შეუსაბამოს.

ნინოს საბოლოო ქულა, თუ მან გამოცდაზე მსგავსი ქულების აღება მართლაც შეძლო, სკალირების შედეგად კიდევ უფრო გაიზრდება. ნინოს ამ შედეგებითაც შეძლებს გრანტის აღებას, თუმცა რამდენ პროცენტიანი გრანტი ექნება ეს უკვე კონკურენციასა და ჩარიცხული აპლიკანტების შედეგებზე იქნება დამოკიდებული“, – გვიხსნის მათემატიკის სპეციალისტი ხათუნა ქათამაძე.

ის დარწმუნებულია, რომ ბეჯით აბიტურიენტებს, რომლებიც გულმოდგინედ მეცადინეობდნენ, სწავლა დაუფასდებათ და ურჩევს ბევრი არ იღელვონ, რადგან მათი მაღალი ქულა გრანტის შესაბამისი იქნება, დანარჩენი კი კონკურენციაზეა დამოკიდებული.

„ზედმეტი ემოციები და ქულათა სავარაუდოდ გამოთვლა, შესაძლოა სანდო არც იყოს, როცა აბიტურიენტს კარგად არ ახსოვს რა როგორ წერა, ამიტომ მე ვურჩევდი, მშვიდად დაელოდონ საბოოლოო შედეგებს. დარწმუნებული ვარ, ბეჯითები და გულმოდგინეები დაფასდებიან სტუდენტობით და გრანტით, უკეთესი ქვეყნის სასიკეთოდ“, – ამბობს ხათუნა ქათამაძე.

ასევე იხილეთ:

განახლებადი ინფორმაცია გამოცდების შესახებ

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე

მოამზადა მზეო შველიძემ