რომელ არჩევით საგანზე რამდენი აბიტურიენტი დარეგისტრირდა და რამდენი ადგილია თითოეულზე – გამოცდები 2019

ერთიანი ეროვნული გამოცდების დაწყებამდე ერთ კვირაზე ნაკლები დრო რჩება. პირველ ივლისს, ზუსტად 09:00 საათზე მთელი საქართველოს მასშტაბით გახსნილ 23 საგამოცდო ცენტრში  ქართული ენისა და ლიტერატურის გამოცდა ჩატარდება. 10 ივლისიდან გამოცდებში პრაქტიკოსი მასწავლებლები და მასწავლებლობის მსურველები  ჩაერთვებიან, ხოლო სტუდენტთა საგრანტო კონკურსი 5 ივლისს ჩატარდება. 17- 24 ივლისს გამოცდები მაგისტრობის მსურველთათვის გაიმართება.

წელს ერთიანი ეროვნული გამოცდებისათვის 41000-მდე აბიტურიენტი დარეგისტრირდა. რაც შეეხება უმაღლეს სასწავლებლებში არჩევითი საგნების მიხედვით გამოყოფილი ადგილების რაოდენობას, ყველაზე მეტი ადგილი, შარშანდლის მსგავსად, კვლავ ისტორიის ჩაბარების მსურველებისთვისაა გამოყოფილი, ყველაზე ცოტა კი – ხელოვნების.

EDU.ARIS.GE   წარმოგიდგენთ მონაცემებს ადგილების რაოდენობის შესახებ არჩევითი საგნების მიხედვით:

• გეოგრაფია – 7500-მდე ადგილი;
• ისტორია – 10 000-მდე ადგილი;
• მათემატიკა – 9000-მდე ადგილი;
• ბიოლოგია – 3500-ზე მეტი ადგილი;
• ლიტერატურა – 4000-მდე ადგილი;
• სამოქალაქო განათლება – 2000-ზე მეტი ადგილი;
• ქიმია – 2000-ზე მეტი ადგილი;
• ფიზიკა – 2000-მდე ადგილი;
• ხელოვნება – 700-ზე მეტი ადგილი.

EDU.ARIS.GE   წარმოგიდგენთ ბოლო მონაცემებს თითოეულ საგანზე რეგისტრირებული აბიტურიენტების შესახებ:

• ისტორია აირჩია – 12500-მდე აბიტურიენტმა;
• გეოგრაფია აირჩია – 11500-ზე მეტმა აბიტურიენტმა;
• მათემატიკა აირჩია – 7500-მდე აბიტურიენტმა;
• ბიოლოგია აირჩია – 5000-ზე მეტმა აბიტურიენტმა;
• ლიტერატურა აირჩია – 3500-მდე აბიტურიენტმა;
• სამოქალაქო განათლება აირჩია- 3000-მდე აბიტურიენტმა;
• ქიმია აირჩია – 2000-მდე აბიტურიენტმა;
• ფიზიკა აირჩია – 1000-მდე აბიტურიენტმა;
• ხელოვნება აირჩია – 500-მდე აბიტურიენტმა.

განახლებადი ინფორმაცია გამოცდების შესახებ