საბაუნის სტუდენტი ევროსაბჭოს კონკურსის გამარჯვებულია

სულხან-საბა ორბელიანის უნივერსიტეტის (საბაუნი) სამართლის სამაგისტრო პროგრამის სტუდენტმა, ციცია მეგუთნიშვილმა საერთაშორისო აღიარება მოიპოვა. მისი ფოტო სახელწოდებით “The Right to Be Free” ევროსაბჭოს Human Rights: Camera, Action! კონკურსის გამარჯვებულია.

ციციას საკონკურსო ნამუშევარი სტრასბურგში, ევროსაბჭოს შენობაში გამოიფინა და აუდიტორიის ინსპირაციად იქცა. 6 ნოემბერს, ციციამ ევროსაბჭოს ტრიბუნიდან წარმოთქვა სიტყვა, რომელშიც ფოტოს სიმბოლური დატვირთვაც განმარტა.

„ფოტოში ქართველი ახალგაზრდების თავისუფლების სიმბოლო, მტრედი, ევროპულ ღირებულებებსა და საქართველოს ისტორიულ გზას აერთიანებს — თავისუფლებისა და დამოუკიდებლობის იდეალებით სავსეს. ფონზე აღბეჭდილი მონუმენტი კი ჩვენი ისტორიის ხატია, რომელიც გვახსენებს, რომ ევროპული ღირებულებები ყოველთვის ახლდა ჩვენს წარსულს და წარმოადგენს ჩვენს მომავალს“, – აღნიშნა ციციამ.

აღსანიშნავია, რომ ეს წარმატება კიდევ ერთხელ ადასტურებს სულხან-საბა ორბელიანის უნივერსიტეტის სტუდენტების მაღალ პოტენციალს და საერთაშორისო ასპარეზზე კონკურენტუნარიანობას.

უნივერსიტეტის სხვა ამბები