საბაუნიში ივანე სურგულაძის 120 წლისთავისადმი მიძღვნილი საიუბილეო კრებულის წარდგენა გაიმართა

4 ივლისს საბაუნის დავით ბატონიშვილის სამართლის ინსტიტუტმა წარადგინა ახალი გამოცემა სახელწოდებით “ივანე სურგულაძე 120”. ეს საიუბილეო კრებული ეძღვნება გამოჩენილი ქართველი იურისტის, ივანე სურგულაძის დაბადებიდან 120 წლისთავს.

კრებული წარმოადგენს მნიშვნელოვან ნაშრომს, რომელიც აერთიანებს საგანმანათლებლო და შედარებითსამართლებრივ სტატიებს, ასევე თარგმანებს სამართლის სხვადასხვა დარგში. მასში შესულია წამყვანი ქართველი იურისტებისა და მკვლევარების ნაშრომები.

გამოცემაში წარმოდგენილია შემდეგი ავტორების სტატიები: გიორგი გორაძე, ქეთევან ქოჩაშვილი, თინათინ ფეიქრიშვილი, ლიანა ზაგაშვილი, ჯამლათ გვიდიანი, დავით ბულია, თამარ ხუბულური, ანა მეტრეველი, გოგა ხატიაშვილი, სოსო ნიბჩვიანი და თამარ მჭედლიშვილი.

კრებულში ასევე შესულია ცნობილი ბრიტანელი სამართლის ფილოსოფოსის, ჰ.ლ.ა. ჰარტის ნაშრომის თარგმანი, რომელიც შეასრულეს ლაშა ლურსმანაშვილმა და სოფიო დემეტრაშვილმა.
ეს გამოცემა წარმოადგენს მნიშვნელოვან წვლილს ქართული იურიდიული ლიტერატურის განვითარებაში და პატივს მიაგებს ივანე სურგულაძის უდიდეს მემკვიდრეობას ქართულ სამართალმცოდნეობაში.

დაინტერესებულ მკითხველებს შეუძლიათ გაეცნონ კრებულის ელექტრონულ ვერსიას, რომელიც ხელმისაწვდომია ონლაინ: ივანე სურგულაძე 120

ეს გამოცემა უდავოდ იქნება საინტერესო როგორც იურისტებისთვის, ისე სამართლის სტუდენტებისა და მკვლევარებისთვის, რომლებიც დაინტერესებულნი არიან თანამედროვე სამართლებრივი საკითხებით და ქართული იურიდიული აზრის განვითარებით.