საერთა სამაგისტრო გამოცდის I სესიაზე გამოსაცდელთა 17%-მდე არ გამოცხადდა

დღეს, 23 ივლისს საერთო სამაგისტრო გამოცდა დაიწყო. წელს 10 000-ზე მეტი საერთო სამაგისტრო გამოცდის ჩაბარების მსურველია დარეგისტრირებული.

მაგისტრანტობის კანდიდატები გამოცდას ორი დღის განმავლობაში, ორ სესიად აბარებენ წაკითხულის გააზრებისა და ანალიტიკური წერის ნაწილებში.

დილის სესიაზე ორი დაგვიანების შემთხვევა დაფიქსირდა.

ხვალ, 24 ივლისს გამოცდა გაგრძელდება ლოგიკური და რაოდენობრივი მსჯელობის ნაწილებით, ასევე ორ სესიად.

შეფასებისა და გამოცდების ეროვნული ცენტრის ცნობით, პირველ სესიაზე განაწილებული მაგისტრანტობის კანდიდატების 83%-ზე მეტი გამოცხადდა.

გარდა მაგისტრობის მსურველებისა, დღესვე სომხური ენის გამოცდას აბარებენ მასწავლებლები და მასწავლებლობის მსურველები. მათგან გამოცდაზე გამოცხადდა რეგისტრირებულთა 82%-ზე მეტი აპლიკანტი.

ასევე იხილეთ:

განახლებადი ინფორმაცია გამოცდების შესახებ