SANGU-ს პროფესორი საქართველოს მკვლევართა მობილობის საგრანტო კონკურსის გამარჯვებულია
ბიზნესის, კომპიუტინგისა და სოციალურ მეცნიერებათა სკოლის ასოცირებული პროფესორი იზა გიგაური ევროკავშირის წევრ ქვეყნებში საქართველოს მკვლევართა მობილობის საგრანტო კონკურსის გამარჯვებულია.
ევროკავშირის მიერ დაფინანსებული “საქართველოს მკვლევართა მობილობის მხარდაჭერის პროგრამა” გერმანიის აკადემიური გაცვლის სამსახურთან (DAAD) თანამშრომლობით განხორციელდა.
პროგრამის მიზანი ევროკავშირის წევრი ქვეყნებისა და საქართველოს სამეცნიერო საზოგადოებას შორის თანამშრომლობის ხელშეწყობა, ევროპის კვლევით სივრცეში ქართველ მკვლევართა ინტეგრაცია და საერთაშორისო ასპარეზზე საქართველოს ისტორიის, მეცნიერების, ტექნოლოგიების და ინოვაციების წარმოჩენაა.
საგრანტო პროგრამის ფარგლებში SANGU-ს ასოცირებული პროფესორი იზა გიგაური იტალიის სალერნოს უნივერსიტეტში ჭკვიანი შეფუთვის საკითხების კვლევაზე სამუშაოდ გაემგზავრება.
აღსანიშნავია, რომ მობილობის საგრანტო კონკურსში 119 კონკურსანტი მონაწილეობდა, რომელთაგან 50-მა გაიმარჯვა. პროექტებისა და კონკურსანტების შეფასება ევროპის კვლევითი აღმასრულებელი სააგენტოს (EREA – European Research Executive Agency) მონაცემთა ბაზიდან შერჩეულმა ექსპერტებმა განახორციელეს.
ვულოცავთ იზა გიგაურს და შემდგომ წარმატებებს ვუსურვებთ.
- SANGU-ში სამეცნიერო კონფერენცია ივანე ჯავახიშილი – 148 გაიმართა by საქ. საპატრიარქოს წმ. ანდრია პირველწოდებულის ქართული უნივერსიტეტი
- SANGU-მ ნეაპოლის უნივერსიტეტის პროფესორს, გაგა შურღაიას უმასპინძლა by საქ. საპატრიარქოს წმ. ანდრია პირველწოდებულის ქართული უნივერსიტეტი
- აშშ-ის საგანგებო და სრულუფლებიანი ელჩის, რობინ დანიგანის ვიზიტი SANGU-ში by საქ. საპატრიარქოს წმ. ანდრია პირველწოდებულის ქართული უნივერსიტეტი