SANGU-ს ტრენინგი უფროსკლასელებისთვის: საჯარო მოსამსახურის საქმიანობის თავისებურებები

პროექტის „აღმოაჩინე შენი პროფესია“ ფარგლებში, წმ. ანდრიას ქართული უნივერსიტეტის ორგანიზებით 18 დეკემბერს, 18:00 საათზე (ონლაინ ფორმატში) ჩატარდება ტრენინგი თემაზე „საჯარო მოსამსახურის საქმიანობის თავისებურებები“.

ტრენინგს გაუძღვება გიორგი ჩიფჩიური, წმ. ანდრიას ქართული უნივერსიტეტის სამართლის სკოლის ლექტორი, იუსტიციის სამინისტროს ცენტრალური აპარატის სამართალშემოქმედებითი დეპარტამენტის უფროსის მოადგილე.

მონაწილეები გაიცნობენ საჯარო სექტორში მუშაობის სპეციფიკას, საჯარო მოსამსახურის როლსა და პასუხისმგებლობას, შესაბამის სამართლებრივ ჩარჩოებსა და სახელმწიფო სისტემის ფუნქციონირების ძირითად პრინციპებს. მიღებული ინფორმაცია მათ დაეხმარება უკეთ დაინახონ პროფესიული განვითარების შესაძლებლობები საჯარო სამსახურში.

ტრენინგი განკუთვნილია XI და XII კლასის მოსწავლეებისთვის, რომლებიც დაინტერესებულნი არიან სამართლის, საჯარო მმართველობის ან ადმინისტრაციული სფეროთი.

შეხვედრა გაიმართება Google Meet პლატფორმაზე. შეხვედრის ბმული გაეგზავნება დარეგისტრირებულ მონაწილეებს 18 დეკემბერს, ღონისძიების დაწყებამდე.

რეგისტრაციის ბმული

რეგისტრაციის ბოლო ვადა: 17 დეკემბერი

უნივერსიტეტის სხვა ამბები