შეცდომები, რომლებიც აბიტურიენტმა მათემატიკის ტესტში არ უნდა დაუშვას – ტესტის 2025 წლის ნიმუში სწორი პასუხებით

იმ აბიტურიენტებმა, რომლებიც მისაღებ გამოცდას მათემატიკაშიც აბარებენ უნდა გაითვალისწინონ, რომ ამ საგანში მინიმალური ზღვარის გადალახვა გარანტირებულად იმ პროგრამაზე მოხვედრას არ გამოიწვევს, რომელიც თქვენ აირჩიეთ. ეს კი მაშინ ხდება, თუ მაგალითად შეფასებისა და გამოცდების ეროვნული ცენტრის მიერ დადგენილი მინიმალური ბარიერის გარდა (მაქსიმალური ქულების 20%-ზე მეტი), უნივერსიტეტეტს საგანმანათლებლო პროგრამისთვის უფრო მაღალი ბარიერია აქვს დადგენილი.

ცნობისთვის, უნივერსიტეტები მინიმალურ ბარიერს თავად განსაზღვრავენ, რომელიც არ შეიძლება იყოს ნაკლები სახელმწიფოს მიერ დადგენილ ბარიერზე, მაგრამ შესაძლოა, თქვენთვის სასურველ პროგრამას, უნივერსიტეტისგან დადგენილი ჰქონდეს 50%-ზე მეტი.

იხილეთ 2025 წლის მათემატიკის ტესტური დავალებების ნიმუშები სწორი პასუხებითა და განმარტებებით:

მათემატიკის ტესტური დავალებების ნიმუშები და სწორი პასუხები 

რაც შეეხება ტესტზე მუშაობის დროს გასათვალისწინებელ ფაქტორებს, ასეთი არაერთია, თუმცა აქ ზოგიერთს გამოვყოფთ.

რომელია შეფასებისა და გამოცდების ეროვნული ცენტრის მათემატიკის ჯგუფის აზრით ის გავრცელებული შეცდომები, რომლებსაც აბიტურიენტები მათემატიკაში უშვებენ და რომლებიც აუცილებლად უნდა გაითვალისწინოთ:

– მათემატიკაში აბიტურიენტის კალიგრაფიას გადამწყვეტ როლს არ ანიჭებენ, მაგრამ მაინც ისე უნდა დაწეროთ, რომ გარჩევა შესაძლებელი იყოს. შეგიძლიათ გადახაზოთ ნაწერი, მაგრამ გადახაზვის მერე რასაც დაწერთ, ეს გარჩევადი უნდა იყოს.

– მექანიკური ხასიათის შეცდომა, როცა აბიტურიენტს პასუხი თეთრ ფურცელზე სხვა ამოცანისთვის გამოყოფილ ადგილზე გადააქვს, მაგალითად 38-ე ამოცანის ამოხსნას წერს მე-40 ამოცანისთვის გამოყოფილ ადგილზე, მართკუთხედში. ამისთვის არ დაგსჯიან და ნაწერი მაინც გასწორდება, მაგრამ აფერხებთ პროცესს და ამას ნუ გააკეთებთ. ასეთი დავალებები არ სწორდება ეგრევე, ის პრობლემურად აღიქმება, ცალკე უნდა ამოვბეჭდონ ფურცელზე, ცალკე უნდა დაჯდეს კომისია და დაიწყოს ასეთი ნაშრომების გასწორება. ეს იწვევს დაბრკოლებას და შესაძლოა, შედეგების გამოცხადების დრომ რამდენიმე დღით გადაიწიოს.

– თუ რაიმე ცვლადები შემოგაქვთ, განმარტებული უნდა იყოს, ამ ცვლადებით რას აღნიშნავთ. ხშირად, აბიტურიენტი პირდაპირ წერს განტოლებას X+10 იგრეკი უდრის რაღაცას, მაგალითად 17-ს და არ ამბობს იქსით რა არნიშნა, იგრეკით რა აღნიშნა. მათემატიკის ხიბლი ის არის, რომ მსჯელობა უნდა აწარმოოთ.

– ნახაზებთან ვიყოთ ძალიან ყურადღებით. ნახაზების დახაზვა არ მოგეთხოვებათ სახაზავით, ხელით შეიძლება დავხაზოთ, მაგრამ თუ ვხაზავთ კონუსს, არ უნდა გაჩნდეს კითხვა – ეს კონუსია, ცილინდრია, პირამიდაა თუ რა არის. კონუსი უნდა ჰგავდეს კონუსს, პირამიდა – პირამიდას, ცილინდრი – ცილინდრს. ასეთი ხარვეზები სამწუხაროდ, გვხვდება და დიდი თხოვნაა, რომ მვაქციოთ ყურადღება.

ასევე იხილეთ:

„ეს სიახლე ძალიან მნიშვნელოვანია გამოსაცდელებისთვის“ – ნინო წერეთელი რეგისტრაციის შესახებ

განახლებადი ინფორმაცია გამოცდების შესახებ

გაწევრიანდი ჯგუფში “აბი გლუკოზა აბიტურიენტებისთვის” და გაიგე ყველა საჭირო სიახლე