ალტე უნივერსიტეტის კურსდამთავრებული სწავლას იტალიაში აგრძელებს

ალტე უნივერსიტეტის სამართლის სამაგისტროს კურსდამთვრებული, სოფი ცერცვაძე, Rome Business School-ში აგრძელებს სწავლას.

სოფი ამჟამად შპს “ფინბიუროსა“ და შპს „ქართული ღვინოს“ მთავარი იურისტია. იგი, ასევე, შრომის უსაფრთხოების სპეციალისტია და არაერთ პროექტშია ჩართული როგორ მედიატორი და ტრენერი.

მისი მთავარი მიზანია კორპორაციული სამართლის მიმართულებით ცოდნის გაღრმავება და საერთაშორისო სტანდარტების პრაქტიკაში დანერგვა. სოფი მომავალში როგორც იურიდიულ, ისე ბიზნეს სექტორში საქმიანობის გაგრძელებას გეგმავს, რითაც სურს ხელი შეუწყოს საქართველოში სამართლებრივი გარემოს გაუმჯობესებას და კორპორაციული პრაქტიკის გაძლიერებას.

სოფი ალტე უნივერსიტეტში მიღებულ განათლებას პოზიტიურად და მნიშვნელოვნად აფასებს. მისი თქმით, ალტე უნივერსიტეტის სამართლის სამაგისტრო პროგრამამ მას მისცა საფუძვლიანი თეორიული ცოდნა და გამოუმუშავა პრაქტიკული უნარები, რაც მნიშვნელოვნად დაეხმარა Rome Business School-ში სწავლის გაგრძელებაში.

“ალტე უნივერსიტეტის ინტერდისციპლინურმა მიდგომამ და კრიტიკული აზროვნების განვითარებაზე ორიენტირებულმა სწავლებამ მომცა შესაძლებლობა, უფრო თავდაჯერებულად და პროფესიონალურად მიმეღო ახალი გამოწვევები საერთაშორისო საგანმანათლებლო სივრცეში” – სოფი ცერცვაძე

სოფი სტუდენტებს ურჩევს, აქტიურად ჩაერთონ საუნივერსიტეტო პროცესებში, ითანამშრომლონ პროფესორებთან, დააგროვონ პრაქტიკული გამოცდილება და გამოიყენონ ყველა ის რესურსი და შესაძლებლობა, რასაც მათ უნივერსიტეტი სთავაზობს.

უნივერსიტეტის სხვა ამბები