GE

„სპეციალური მასწავლებლის საგნის გამოცდა ყოველწლიურად ჩატარდება“

სპეციალური მასწავლებლის საგნის გამოცდა ყოველწლიურად ჩატარდება, რაც სტატუსის ამაღლების მსურველებს კომპეტენციის დადასტურების შესაძლებლობას მისცემს – აღნიშნული განცხადება განათლებისა და მეცნიერების მინისტრის მოადგილე ეკატერინე დგებუაძემ გააკეთა.

განათლების სამინისტროს ცნობით, როგორც მინისტრის პირველმა მოადგილემ აღნიშნა, ბოლო წლებში სამინისტრომ ინკლუზიური განათლების განვითარებისა და სპეციალური მასწავლებლების კვალიფიკაციის ამაღლების ხელშეწყობისთვის არაერთი მნიშვნელოვანი ნაბიჯი გადადგა. მათ შორის, ზოგადი განათლების კანონში შესული ცვლილებების საფუძველზე განათლების სისტემამ ინკლუზიურ განათლებაში დასაქმებული სპეციალისტები მასწავლებლებად აღიარა. შედეგად, სპეციალური მასწავლებლები სქემის ნაწილი გახდნენ და მათ პრაქტიკოსი მასწავლებლის სტატუსი მიენიჭათ.

შეგახსენებთ, რომ წელს უფროსი სპეციალური მასწავლებლის საგნის გამოცდა პირველად ჩატარდა. გამოცდის ჩაბარების სურვილი 2 800-ზე მეტმა პირმა გამოთქვა.

განახლებადი ინფორმაცია გამოცდების შესახებ

დასვით კითხვა და მიიღეთ პასუხი - ედუს საცნობარო სამსახური
edu.aris.ge საგანმანათლებლო ინტერნეტ-პორტალი