თბილისის ბაგა-ბაღების თანამშრომელთა შესარჩევი კონკურსის შედეგები გამოქვეყნდა

შეფასებისა და გამოცდების ეროვნული ცენტრი 10 იანვარს ჩატარებული ბაღების თანამშრომელთა შესარჩევი კონკურსის ტესტირების შედეგებს აქვეყნებს.  

შედეგები

ასევე გამოქვეყნდა კონკურში გამოყენებული ტესტები და სწორი პასუხები.

ტესტები და სწორი პასუხები

ტესტის წარმატებით ჩაბარებისთვის აუცილებელი მინიმალური კომპეტენციის ზღვარია 21 ქულა (35%). კანდიდატებისთვის, რომლებმაც ზღვარი გადალახეს, დადგინდება თითოეულ პოზიციაზე დასასაქმებლად საჭირო ქულათა დიაპაზონი, 60 ქულამდე.

რაც შეეხება აპელაციას, საპრეტენზიო განაცხადის საფასური შეადგენს 20 ლარს, რომლის გადახდა შესაძლებელია საქართველოს ბანკის თბილისის ნებისმიერ ფილიალში.

თანხის გადახდის შემდეგ კანდიდატმა უნდა შეიტანოს წერილობითი განაცხადი შეფასებისა და გამოცდების ეროვნულ ცენტრში (თბილისი, მინდელის ქ. N9).

სააპელაციო განცხადებების მიღება იწარმოებს 14 და 15 იანვარს, 10:00 საათიდან 18:00 საათამდე.

შეფასების ცვლილების შემთხვევაში თანხა უკან დაბრუნდება.

ტესტირება საგანმანათლებლო პროგრამების კოორდინატორის, აღმზრდელისა და აღმზრდელის თანაშემწის პოზიციებზე 10 იანვარს ჩატარდა.