SANGU-ში გაიმართა სტუდენტთა სამეცნიერო სესია, რომელიც საქართველოს კათოლიკოს-პატრიარქს, ილია მეორეს მიეძღვნა

26 მარტს, წმ. ანდრიას ქართულ უნივერსიტეტში გაიმართა ქართული ფილოლოგიის მეორე და მეოთხე კურსის სტუდენტთა სამეცნიერო სესია, რომელიც საქართველოს კათოლიკოს-პატრიარქს, უწმინდესსა და უნეტარეს ილია მეორეს მიეძღვნა.

უნივერსიტეტის მიერ 31 მარტს გამოქვეყნებული ინფორმაციით, სესია გახსნა პროფესორმა მანანა ტაბიძემ, რომელმაც თემაზე – „ქართული ენის პრობლემური საკითხების შეფასება საქართველოს პატრიარქის ქადაგებებსა და ეპისტოლეებში“, მოხსენება წაიკითხა.

ქართული ფილოლოგიის ფაკულტეტის სტუდენტმა, სალომე იაშვილმა წარმოადგინა პრეზენტაცია, თემაზე – „ილია მეორე ქართული ენის სიწმინდის დაცვის აუცილებლობის შესახებ“.

სტუდენტმა, ელენე აბიათარმა აუდიტორიას გააცნო საკითხი „პატრიარქის ლოცვა-კურთხევით გამოცემული საღვთისმეტყველო ლიტერატურის ენობრივი თავისებურებები“.

მოხსენებების შემდეგ გაიმართა მსჯელობა, სადაც მონაწილეებმა იმსჯელეს წარმოდგენილ საკითხებზე და ქართული ენის თანამედროვე გამოწვევებთან დაკავშირებით მოსაზრებები გაცვალეს.

უნივერსიტეტის სხვა ამბები