თსუ-ში გაფართოებული აკადემიური საბჭოს 21 წევრი აირჩიეს

ივანე ჯავახიშვილის სახელობის თბილისის სახელმწიფო უნივერსიტეტში გაფართოებული აკადემიური საბჭოს არჩევნებზე 21 წევრი აირჩიეს. თსუ-ში ოცდაერთი საარჩევნო უბანი 17.00 საათზე დაიხურა. საარჩევნო კომისიის  თავმჯდომარის გიორგი ჩაკვეტაძის ინფორმაციით,  1636 ამომრჩევლიდან არჩევნებში მონაწილეობა 1266-მა მიიღო, რაც ამომრჩეველთა სრული შემადგენლობის 77 პროცენტია.

აკადემიური საბჭოს წევრთა დამატებითი არჩევნები აკადემიურ საბჭოს შემადგენლობაში ფაკულტეტის წარმომადგენლების რაოდენობის ზრდისა და დამოუკიდებელი სამეცნიერო-კვლევითი ერთეულის წარმომადგენლების შეყვანის მიზნით გაიმართა. „უმაღლესი განათლების შესახებ“ კანონში განხორციელებული ცვლილებებისა და უნივერსიტეტის წესდებაში შეტანილი ცვლილებების თანახმად, თსუ-ის აკადემიური საბჭოს შემადგენლობა განისაზღვრა 36 წევრით. არსებული აკადემიური საბჭოს შემადგენლობას თითო-თითო წარმომადგენელი 7 ფაკულტეტიდან და 14 სამეცნიერო-კვლევითი ინსტიტუტიდან დაემატა.

აკადემიური საბჭოს წევრები გახდნენ:

• აკაკი ყულიჯანიშვილი – ჰუმანიტარულ მეცნიერებათა ფაკულტეტი,
• ვასილ გონაშვილი – იურიდიული ფაკულტეტი
• დავით კერესელიძე – ზუსტ და საბუნებისმეტყველო მეცნიერებათა ფაკულტეტი
• გია ლობჟანიძე – მედიცინის ფაკულტეტი
• ავთანდილ სილაგაძე – ეკონომიკისა და ბიზნესის ფაკულტეტი
• ალექსანდრე კუხიანიძე – სოციალურ და პოლიტიკურ მეცნიერებათა ფაკულტეტი
• ანასტასია ქიტიაშვილი – ფსიქოლოგიისა და განათლების მეცნიერებათა ფაკულტეტი
• მარინე ზაუტაშვილი – პეტრე მელიქიშვილის ფიზიკური და ორგანული ქიმიის ინსტიტუტი
• ნათელა ანანიაშვილი – რაფიელ აგლაძის არაორგანული ქიმიისა და ელექტროქიმიის ინსტიტუტი
• ზურაბ ცაგარელი – ალექსანდრე ნათიშვილის მორფოლოგიის ინსტიტუტი
• ავთანდილ ამირანაშვილი – მიხეილ ნოდიას გეოფიზიკის ინსტიტუტი
• ერეკლე გამყრელიძე – ალექსანდრე ჯანელიძის გეოლოგიის ინსტიტუტი
• თამაზ ყარალაშვილი – ვახუშტი ბაგრატიონის გეოგრაფიის ინსტიტუტი
• მურმან კვინიკაძე – კავკასიის ალექსანდრე თვალჭრელიძის მინერალური ნედლეულის ინსტიტუტი
• ნუგზარ შავლაყაძე – ანდრია რაზმაძის მათემატიკის ინსტიტუტი
• ნოდარ ცინცაძე – ელეფთერ ანდრონიკაშვილის ფიზიკის ინსტიტუტი
• გაგა ლომიძე – შოთა რუსთაველის ქართული ლიტერატურის ინსტიტუტი
• დავით მერკვილაძე – ივანე ჯავახიშვილის ისტორიისა და ეთნოლოგიის ინსტიტუტი
• მედეა ღლონტი – არნოლდ ჩიქობავას სახელობის ენათმეცნიერების ინსტიტუტი
• გოჩა ფერაძე -თინათინ წერეთლის სახელმწიფოსა და სამართლის ინსტიტუტი
• მამუკა ხუსკივაძე – პაატა გუგუშვილის ეკონომიკის ინსტიტუტი