ყველაზე მეტი სკოლა იმერეთში ფიქსირდება – ზოგადსაგანმანათლებლო დაწესებულებების რაოდენობა 2024-2025 სასწავლო წლისთვის

2 დეკემბერს საქართველოს სტატისტიკის ეროვნულმა სამსახურმა 2024/2025 სასწავლო წლის ზოგადსაგანმანათლებლო დაწესებულებების მაჩვენებლები გამოაქვეყნა.

უახლესი ინფორმაციით, სკოლების რაოდენობა სულ 2 ერთეულით არის შემცირებული.

ზოგადსაგანმანათლებლო დაწესებულებების რაოდენობა:

“2024/2025 სასწავლო წლის დასაწყისისთვის, საქართველოში 2 294 ზოგადსაგანმანათლებლო დაწესებულება (სკოლა) იყო, მათ შორის 2 086 საჯარო და 208 კერძო. წინა სასწავლო წელთან
შედარებით, ქვეყანაში არსებული სკოლების რაოდენობა 2 ერთეულით შემცირდა. რეგიონების
მიხედვით, ყველაზე მეტი სკოლა (17.1%) იმერეთში ფიქსირდება”, – ნათქვამია საქსტატის ინფორმაციაში.

ქვემოთ მოცემულ დიაგრამაზე წარმოდგენილია ზოგადსაგანმანათლებლო დაწესებულებების რაოდენობა 2020/2021-2024/2025 სასწავლო წლის დასაწყისისთვის.