GE

საქართველოს პრეზიდენტის ადმინისტრაციის წარმომადგენლები აწსუ-ის პროფესორ-მასწავლებლებსა და სტუდენტებს შეხვდნენ

2017 წლის 15 თებერვალს აკაკი წერეთლის სახელმწიფო უნივერსიტეტში იმერეთში სახელმწიფო რწმუნებულის–გუბერნატორის, გივი ჭიჭინაძის ინიციატივით, საქართველოს პრეზიდენტის ადმინისტრაციის წარმომადგენლები აწსუ-ის პროფესორ-მასწავლებლებსა და სტუდენტებს შეხვდნენ. შეხვედრაზე ფილოსოფიის, სოციალური მეცნიერებების კვლევისა და სწავლების განვითარებაზე ისაუბრეს, რომლის ფარგლებშიც აწსუ-ში იგეგმება ვორქშოფები და სემინარები. პროფესორ–მასწავლებლები და სტუდენტები ლექციებს მოისმენენ დემოკრატიის პრინციპებზე და ადამიანის უფლებებზე.

აკაკი წერეთლის სახელმწიფო უნივერსიტეტში გამართულ შეხვედრაში იმერეთის გუბერნატორთან გივი ჭიჭინაძესთან ერთად აწსუ-ის რექტორი გიორგი ღავთაძე, გუბერნატორის მოადგილე იოსებ ხახალეიშვილი, საქართველოს პარლამენტის განათლების, მეცნიერებისა და კულტურის კომიტეტის თავმჯდომარის პირველი მოადგილე გენადი მარგველაშვილი და ილიას სახელმწიფო უნივერსიტეტის პროფესორი მამუკა ბერიაშვილი ესწრებოდნენ.

დასვით კითხვა და მიიღეთ პასუხი - ედუს საცნობარო სამსახური