GE

19 ნოემბერს, თბილისში ახალგაზრდებისთვის დასაქმების ფორუმი გაიმართება

დასაქმების ხელშეწყობის სახელმწიფო სააგენტოს ცნობით, 19 ნოემბერს, 13:00 საათზე, თბილისში ახალგაზრდებისთვის დასაქმების ფორუმი გაიმართება.

სააგენტოს მიერ გავრცელებული ინფორმაციით, ფორუმზე, რომელიც ღიაა 18-დან 29 წლამდე ყველა დაინტერესებული პირისთვის, წარმოდგენილი იქნება 25-ზე მეტი კომპანია, 100-ზე მეტი ვაკანსიით.

„ერთ სივრცეში შეხვდებით დამსაქმებლებს და გაიგებთ, რას გთავაზობთ კომპანიები სტაჟირებისა და დასაქმების მიმართულებით.

მოდი, გაიცანი ადამიანები, შესაძლებლობები და მიმართულებები, რომლებიც შეიძლება შენი პროფესიული გზის დასაწყისი გახდეს“, – ნათქვამია დასაქმების ხელშეწყობის სახელმწიფო სააგენტოს მიერ 16 ნოემბერს გავრცელებულ ინფორმაციაში.

დასაქმების ფორუმი „ახალგაზრდული სახლის“ კამპუსში (სიმონ ჩიქოვანის ქ. 14 – ბავშვთა ინფექციური საავადმყოფოს ეზო) ჩატარდება.

დასვით კითხვა და მიიღეთ პასუხი - ედუს საცნობარო სამსახური