20 მაისს GRUNI-ში სტუდენტებისთვის დასაქმების ფორუმი გაიმართება

20 მაისს, გრიგოლ რობაქიძის სახელობის უნივერსიტეტში მასშტაბური დასაქმების ფორუმი გაიმართება.

უნივერსიტეტის მიერ 15 მაისს გამოქვეყნებული ინფორმაციით, ფორუმზე 30-ზე მეტი კომპანია წარადგენს საკუთარ საქმიანობას, სტუდენტებს გააცნობს სტაჟირებისა და დასაქმების შესაძლებლობებს და კარიერული განვითარების შესახებ დეტალურ ინფორმაციას გაუზიარებს.

ფორუმი ხელს შეუწყობს:

• სტუდენტებსა და დამსაქმებლებს შორის პირდაპირ კომუნიკაციას;
• პროფესიული ქსელის გაფართოებას;
• ახალი შესაძლებლობებისა და თანამშრომლობების აღმოჩენას.

„სტუმრებს ფორუმზე გრანდიოზული სიურპრიზი ელოდებათ. გრიგოლ რობაქიძის უნივერსიტეტი – ადგილი, სადაც თქვენი წარმატება იწყება“, – აცხადებენ GRUNI-ში.

უნივერსიტეტის სხვა ამბები