2015 წლის ერთიანი ეროვნული გამოცდებისთვის რეგისტრაცია 35 ათასზე მეტმა აბიტურიენტმა გაიარა

2015 წლის ერთიანი ეროვნული გამოცდებისთვის რეგისტრაცია 35 ათასზე მეტმა აბიტურიენტმა გაიარა.

ინფორმაცია ამის შესახებ შეფასებისა და გამოცდების ეროვნული ცენტრი ავრცელებს.

16 მარტის მონაცემებით რეგისტრირებულია:

35 ათასზე მეტი აბიტურიენტი ერთიანი ეროვნული გამოცდებისათვის;

2 ათასზე მეტი სტუდენტი  საგრანტო კონკურსისათვის;

8 ათასამდე კანდიდატი საერთო სამაგისტრო გამოცდისათვის.

ერთიანი ეროვნული, საერთო სამაგისტრო და სტუდენტთა საგრანტო გამოცდებისათვის რეგისტრაცია 17 მარტს 18:00 საათზე დასრულდება

გამოცდებისათვის რეგისტრაცია შეფასებისა და გამოცდების ეროვნული ცენტრის ვებგვერდებზე www.naec.ge online.naec.ge მიმდინარეობს.

ვადის ამოწურვის შემდეგ მსურველები რეგისტრაციას ვეღარ გაივლიან.

რეგისტრაციის დასრულებამდე აბიტურიენტმა აუცილებლად უნდა აირჩიოს ჩასაბარებელი გამოცდების ჩამონათვალი, მიუთითოს ქალაქი და ენა, რომელზეც სურს გამოცდის ჩაბარება.

საგანმანათლებლო პროგრამების მითითება თუ შეცვლა კიდევ რამდენიმე თვის განმავლობაში იქნება შესაძლებელი.

რეგისტრაციის პროცესის მხარდასაჭერად ინტენსიურად მუშაობს შეფასებისა და გამოცდების ეროვნული ცენტრის ცხელი ხაზი – 2473333. ინფორმაციის მიღება ონლაინ დახმარების სერვისითაც არის (www.naec.ge) შესაძლებელი.