2023 წელს სწავლის გაგრძელების უფლება 34 843 აბიტურიენტმა მოიპოვა

2023 წლის ეროვნული გამოცდების შედეგად 34 843 აბიტურიენტი გახდა სტუდენტი –
ვკითხულობთ საქართველოს განათლებისა და მეცნიერების სამინისტროს მიერ 1 სექტემბერს გავრცელებულ განცხადებაში.

EDU.ARIS.GE ახალგაზრდებს ერთიანი ეროვნული გამოცდების წარმატებით
ჩაბარებასა და სტუდენტობას ულოცავს!

8.5% პროცენტით გაიზარდა ჩარიცხულ აბიტურიენტთა რაოდენობა შარშანდელთან
შედარებით (+2 743 რაოდენობრივად).

რეგისტრირებულ აბიტურიენტთაგან წელს 77%-მა მოიპოვა უმაღლეს საგანმანათლებლო დაწესებულებებში სწავლის გაგრძელების უფლება, ეს რიცხვი წინა,  2022 წელთან შედარებით, თითქმის არ შეცვლილა.

გთავაზობთ ჩარიცხულ აბიტურიენტთა რაოდენობას წლების მიხედვით:

2022 წელი – 32100
2021 წელი – 29362
2020 წელი – 29614
2019 წელი – 28740

შეფასებისა და გამოცდების ეროვნული ცენტრის ცნობით, 2023 წელს დაფინანსდა 12 000-ზე მეტი გამოსაცდელი. სახელმწიფო გრანტი მოიპოვა 6 540-ზე მეტმა გამოსაცდელმა. აქედან – 100%-იანი სახელმწიფო გრანტი მიიღო 1 000-ზე მეტმა აპლიკანტმა, 70%-იანი – 1 450-ზე მეტმა გამოსაცდელმა, 50%-იანი გრანტი კი – 4 080-ზე მეტმა აბიტურიენტმა.

სახელმწიფოს მიერ დაფინანსებულ უმაღლეს საგანმანათლებლო პროგრამებზე ჩაირიცხა 5 500-ზე მეტი გამოსაცდელი. ქართულ ენაში მომზადების პროგრამებზე სწავლას 1 550-მდე აპლიკანტი გააგრძელებს.

აბიტურიენტთა ჩარიცხვებისა და გრანტის განაწილების შესახებ ინფორმაცია გამოქვეყნდა – გამოცდები 2023

როდის იწყება უნივერსიტეტებში 2023-2024 სასწავლო წელი და პირველკურსელთა რეგისტრაცია