SANGU-ში სტუდენტური კონფერენცია – „ქართველი დიპლომატები“ გაიმართა

18 მაისს, წმ. ანდრიას ქართულ უნივერსიტეტში, ჰუმანიტარულ მეცნიერებათა და სამართლის სკოლის ორგანიზებით, სტუდენტური კონფერენცია – „ქართველი დიპლომატები“ გაიმართა.

უნივერსიტეტის მიერ 19 მაისს გამოქვეყნებული ინფორმაციით, კონფერენცია ქართველი დიპლომატების, საზოგადო მოღვაწეებისა და ისტორიული პირების საქმიანობისა და მემკვიდრეობის განხილვას მიეძღვნა.

მონაწილეებმა ქართული დიპლომატიის ისტორიისა და საერთაშორისო ურთიერთობების სხვადასხვა ასპექტის შესახებ საინტერესო მოხსენებები წარმოადგინეს.

ღონისძიებაში წმ. ანდრიას ქართული უნივერსიტეტის, სოხუმის სახელმწიფო უნივერსიტეტის, საქართველოს ტექნიკური უნივერსიტეტის, სულხან-საბა ორბელიანის უნივერსიტეტისა და ივანე ჯავახიშვილის სახელობის თბილისის სახელმწიფო უნივერსიტეტის სტუდენტები მონაწილეობდნენ.

უნივერსიტეტის სხვა ამბები