26 მაისიდან 29 მაისის ჩათვლით თბილისის წიგნის 24-ე საერთაშორისო ფესტივალი გაიმართება

წიგნის მოყვარულთათვის, 26 მაისიდან 29 მაისის ჩათვლით, საქართველოს წიგნის გამომცემელთა და გამავრცელებელთა ასოციაცია თბილისის წიგნის 24-ე საერთაშორისო ფესტივალს მართავს. ფესტივალი, ტრადიციულად, ექსპო ჯორჯიას პავილიონებში მოეწყობა.

წელს ფესტივალი სრულად უბრუნდება ტრადიციულ ფორმატს და მასშტაბებს და შესაბამისად, მე-11 პავილიონში წარმოდგენილი იქნება, როგორც ქართველი ისე უცხოელი გამომცემლებისა და სხვადასხვა ორგანიზაციების მთავარი სტენდები, ხოლო მე-6 პავილიონში თავმოყრილი იქნება საბავშვო წიგნები და აქსესუარები.

თბილისის წიგნის საერთაშორისო ფესტივალი სლოგანით GeorgiaStandsWithUkraine სრულ მხარდაჭერას გამოუცხადებს უკრაინას.

თბილისის წიგნის 24-ე საერთაშორისო ფესტივალის მონაწილეები და ინფორმაცია მათ შესახებ შეგიძლიათ იხილოთ ბმულზე.