800-მდე სკოლის დირექტორობის მსურველთან გასაუბრებები იწყება – განრიგი და ვადები

საქართველოს განათლებისა და მეცნიერების სამინისტროს ინფორმაციით, საჯარო სკოლის დირექტორობის მსურველთა სერტიფიცირების მეორე ეტაპი, გასაუბრების პროცესი 20 მარტს დაიწყება.

EDU.ARIS.GE-ს მიერ მოპოვებული მონაცემებით, ტესტირების შემდეგ, გასაუბრებაზე გასვლის უფლება 755-მა პირმა მოიპოვა.

“გასაუბრებაზე გასვლის შესაძლებლობა ექნებათ დირექტორობის მსურველებს, რომლებმაც სერტიფიცირების პირველი საფეხური – ტესტირება წარმატებით გაიარეს, კერძოდ, გადალახეს ტესტირებისთვის დადგენილი მინიმალური კომპეტენციის ზღვარი – მაქსიმალურ ქულათა 60%”, – ვკითხულობთ მიხეილ ჩხენკელის უწყების მიერ გავრცელებულ ინფორმაციაში.

გასაუბრების განრიგი

სამინისტრო განმარტავს, რომ გასაუბრების თარიღი დირექტორობის მსურველმა უნდა გადაამოწმოს საჯარო სკოლის დირექტორობის სერტიფიცირების ეტაპზე რეგისტრაციის დროს მინიჭებული უნიკალური კოდის გამოყენებით.

იმ შემთხვევაში, თუ დირექტორობის მსურველს არ ახსოვს უნიკალური კოდი, მას შეუძლია დარეკოს საქართველოს განათლებისა და მეცნიერების სამინისტროს ცხელ ხაზზე – 2 200 220 ან თავად გადაამოწმოს კოდი ვებგვერდზე: directors.mes.gov.ge

სერტიფიცირების პროცესის მონაწილეები გასაუბრების განრიგის შესახებ ინფორმაციას ინდივიდუალურადაც მიიღებენ.

ამავე თემაზე:

სკოლის დირექტორობის მსურველთა გამოცდაზე გასული 1 841 აპლიკანტიდან ზღვარი სულ 755-მა გადალახა – დეტალები